養心殿台式養生鍋 (已結業)

好奇怪近排都好熱,，但今日已經係立秋，又有少少涼意， 所以放工之後又再嚟養心殿台式養生鍋食返個養生鍋補一補！用具乾淨 叫咗個寧神養心鍋同埋秘製薑母鴨鍋$168左邊係寧神養心鍋， 除了有川芎、白芷、天麻、當歸、鮮雞、豬肉同埋鮮魚。右邊係秘製薑母鴨鍋，材料有老薑、馬蹄、冬筍、當歸、紅面番鴨。起初覺得左邊好食啲，食食下又覺得右邊嗰個入味啲， 最後都係覺得左邊嘅味道好食啲。 鵝肝墨魚丸半份$48上次已經叫過㗎喇，今次又再encore，墨魚丸彈牙。 什錦蔬菜盤$68啲粟米超甜，菜好爽脆。 御選梅花豬$118啲質地好滑，冇雪藏味。 即炸脆響鈴$68響鈴係新鮮炸嘅，好脆，即使浸咗落啲湯度都唔會好快就淋。 酒香白肉$58就算係有片肥豬肉都唔捨得咬走佢，事關肉有好濃嘅酒香味，而且成片都好爽。 仲有一個雪糕送。