阿久根和牛立燒店 (已結業)

今日唔係好餓，但又好想食燒肉，之前係面書見到有立燒，今日就黎會一會佢！黎到就即刻可以入企 🤣🤣 首先侍應哥哥有叫我地睇下有邊隻肉好想試，可以叫左一塊試下先！因為佢地會有牌，如果想再食睇個名就得 🤣🤣 包唔會你好似出面咁，一野叫一碟，唔好食都要夾硬食！首先叫左個套餐，有4塊牛再加飯/沙律/湯同醃菜！得4塊梗係唔夠啦！再補其他 😋薄切牛舌，好香呀！但我愛厚切 🙈肉眼同西冷 A5 油花多到呢，入口即溶！呢幾件特別部位，好值得試！後腿肌我好鍾意，入口溶都有野咬，牛味好濃！黑豚肉/雞肉/雞軟骨都唔錯！黑豚我鍾意！蕃薯仔好正呀！口感夠糯又甜！翠玉瓜同冬菇都好甜，唔會乾 👍🏻串和牛丸不得了，牛味濃到一個點，仲要爆汁！大家食既時候小心辣咀！個麵豉湯好正呀，入面既蜆仔令到個湯好甜好甜 👍🏻