雲桂香米線專門店

營業中

休息中

時值9月，學生們開學日忙夜忙，自己會掛住d好味既野食朋友一直心思思想食麻辣米線，終於今日忍唔住拉埋我去呢間食XD下午茶時段舖頭唔算多人，一入去就有得坐低，仲要係卡位添! 傾計一流👍由於太肚餓既關係，都係叫左野食先，我揀左熱拌米線，朋友就食麻辣米線。熱拌米線👍米線睇落無咩汁，但係味道唔錯，我叫左走辣都唔會太淡口，加埋酸菜一齊食好惹味，比個like!如果d豆卜再濃味少少就perfect啦~不過我好鐘意佢無湯都好夠熱，平時食撈撈好快就凍晒，呢碗食到最後一啖都係熱既!!朋友既麻辣米線湯底夠濃，料亦好足，完全滿足晒佢既願望，心滿意足☺️一致同意，下次再黎過。