牧羊少年咖啡館 (白楊街)

營業中

休息中

早排睇新聞，見到牧羊少年咖啡有限公司獲得”滙豐青年創業大獎”銀獎，創辦人為普及藝術文化，以商業同文化並重既理念，咖啡館不時舉辦有關旅遊、文化及慈善活動，短短5年已開6間分店。除左咖啡館舒適，感覺休閒外，食物水準都很好。最喜歡下午茶既時間黎食下lunch/tea set。窩夫必定係我首選，熱呼呼新鮮泡製既窩夫，配你喜歡既醬，如士多啤梨、朱古力或焦糖，加上雪糕球同生果，感覺好完美。平時單點有4塊窩夫，下午茶時間就有2塊，感覺1個人2塊既份量剛好。配上呢度有水準既咖啡，簡直絶配。呢度除左平時既朱古力咖啡、牛奶咖啡、榛子咖啡外，仲有酒味咖啡iris coffee，酒同咖啡份量都調製得很好。另外佢哋既芒果乳酪烤雞中東飽也不錯，芒果乳酪醬酸酸甜甜，配烤雞食落好清新。