影片
更多
2025-06-11
220 瀏覽
最近天氣太熱，日日收工都覺得好攰，今日決定約朋友放工食甜品消下暑~近近地就揀左天水圍站附近嘅「一糖」！去到門口仲發現轉左新壁畫添~講到消暑嘅甜品除左刨冰就緊係仙草啦~所以我就揀左「焦糖脆皮豆腐花拼仙草」再加杯「蜜桃沙冰」朋友仔就揀左「抹茶麻薯窩夫」配薄荷朱古力雪糕！碗仙草一上枱真係有少少嚇左一跳，咁大碗嘅🫢睇黎唔洗食晚飯啦~材料超級豐富：有芋圓、珍珠、紅豆、仙草，同埋豆腐花。最特別嘅係豆腐花面嘅焦糖片，係黃糖做嘅，咬落脆脆又有啲沙沙嘅口感，岩哂我呢啲食豆腐花落超多黃糖嘅人😂「一糖」嘅窩夫一直都好受歡迎，今次我地叫左抹茶麻薯窩夫，麻薯仲係佢地自家製嘅，等待期間已經聞到香噴噴😋果然值得期待，外脆內軟嘅口感再加埋紅豆同抹茶cream,甜度平衡得好好👍就算唔加配料就咁食，都食到好香嘅蛋味同淡淡抹茶味，所以話窩夫真係必食之選！蜜桃沙冰酸酸甜甜，仲有大量三色椰果粒，口感豐富之餘，消暑效果簡直一流呀~店舖仲新出左牛角包窩夫系列，牛角包窩夫同格仔窩夫2者嘅選擇，真係令人好掙扎，如果可以多一個胃，一定揀哂2款😜
講到消暑嘅甜品除左刨冰就緊係仙草啦~所以我就揀左「焦糖脆皮豆腐花拼仙草」再加杯「蜜桃沙冰」
朋友仔就揀左「抹茶麻薯窩夫」配薄荷朱古力雪糕！
碗仙草一上枱真係有少少嚇左一跳，咁大碗嘅🫢睇黎唔洗食晚飯啦~材料超級豐富：有芋圓、珍珠、紅豆、仙草，同埋豆腐花。最特別嘅係豆腐花面嘅焦糖片，係黃糖做嘅，咬落脆脆又有啲沙沙嘅口感，岩哂我呢啲食豆腐花落超多黃糖嘅人😂
「一糖」嘅窩夫一直都好受歡迎，今次我地叫左抹茶麻薯窩夫，麻薯仲係佢地自家製嘅，等待期間已經聞到香噴噴😋果然值得期待，外脆內軟嘅口感再加埋紅豆同抹茶cream,甜度平衡得好好👍就算唔加配料就咁食，都食到好香嘅蛋味同淡淡抹茶味，所以話窩夫真係必食之選！
蜜桃沙冰酸酸甜甜，仲有大量三色椰果粒，口感豐富之餘，消暑效果簡直一流呀~
店舖仲新出左牛角包窩夫系列，牛角包窩夫同格仔窩夫2者嘅選擇，真係令人好掙扎，如果可以多一個胃，一定揀哂2款😜
張貼
