黑木亭居酒屋 (金馬倫道)

收到朋友問今晚晚餐，朋友經常都好忙難得有時間食飯想搵間好啲，但因為太突然星期六尖沙咀好多地方7點時段都冇晒，喺openrice搵到得番好少選擇,時間緊逼就試吓呢間黑木亭，睇啲相食物唔錯,但坐位有啲迫。最後訂咗先，希望可以俾到好啲啦。到達被分配坐張2人檯，但前前後後冇乜空間，員工送餐都有啲困難，等到朋友剛坐下，我哋發現有張卡位準備走，即刻問可唔可以轉，等咗陣位員工問我哋會唔會開酒，如果ok可以轉，其實唔知點解要飲酒先有得轉，不過的確我哋會飲，咁就轉，即刻舒服晒😌朋友唔經常飲清酒，員工介紹咗一支易入口嘅俾我哋，我哋仲叫咗芝士玉子燒，一啲串燒同埋牛肉壽喜燒。整體食物唔錯，係燒牛舌可以厚切會好味啲，同埋玉子燒蛋香唔夠。成晚都係開心😃可以再試