文華雞飯(新加坡)

營業中

休息中

新加坡菜，第一樣野就諗到海南雞，三種醬汁同雞油飯，無一不可。初次來呢間打正期號嘅雞飯店，對佢都有少少期望，加埋好多名星效應，覺得為食嘅我點都要試下（大角咀出晒名多好野食添！）！兩個人，一人叫左個白雞餐，有碟菜、數件雞、一碗飯同一碗肉骨茶，另外我地再叫左碟新加坡叉燒share。先講叉燒，我覺得中國叉燒好食好多，果晚果碟燒到皮有D 「un」同「鞋」，亦因爲燒得耐（可能係新加坡特色），所以唔juicy，令到食到尾食淨幾件。而個雞都算叫嫩，三種醬自己添，雞油飯就麻麻，可能怕客人唔接受得太油，只係比普通飯多少少油，碟菜又只係得幾條，無咩味白灼。我真心覺得，某快餐店推出嘅海南雞飯套餐重好味。所以期望係肉骨茶度，但可惜味精都算重，但我欣賞係用豬軟骨來煲湯，欠缺pepper味，除左豬，就只得蘑菇，無咩藥材味，可能又係怕客人唔鍾意，變得地道左。我未去過新加坡，所以唔知正宗係咩味或者煮法（只係檳城買過肉骨茶茶包回港自己煮），但果度嘅姐姐細心仔細介紹我地應該食咩，同價錢點計，都值得一讚，今時今日嘅服務態度，係應該要咁。