影片
更多
2021-05-23
1573 瀏覽
第一次寫食評，用左呢餐海鮮餐小試牛刀星期日同朋友四人一行入左屯門三聖邨，抽筋突然想食海鮮又無訂位，見到發記門口人山人海。。。試下去泰海鮮問問，好彩勉強比到張檯仔我地OK, let’s go,發記 I am coming可能仲係休魚期，蝦只有赤米，但好想食蝦，呢款赤米今日唔貴，先來斤半，再來龍蝦北寄具鮑魚花甲扇貝，少少地今日買住咁多先好耐之前食過一次泰海鮮，今次D野點煮好呢？白灼海蝦海蝦赤米一定白灼點豉油難唔到師傅，蝦新鮮就一定好食，細細隻鮮甜有味打開我個黑洞胃油鹽水浸花甲因為今日天氣熱大家無咩胃口食飯麵類，咁來個油鹽水浸花甲，花甲無沙，加左黑胡椒去煮，清甜鮮味蒜蓉粉絲蒸北寄貝比心機食呀，D野不斷上緊檯！到北寄貝上檯喇。。。what!!!8隻點解咁大個碟？原來一開二，一人食4邊 on my god!好好好大隻，蒜蓉粉絲蒸真係無得輸，好多蒜蓉好多粉絲，但食落又唔會失左北寄貝的鮮味！我真係好鐘意食海鮮呀脆皮芝士焗龍蝦主角好快好快又上檯一斤一隻澳龍真係抵食夾大件，都唔知多謝邊個喇，總知就大家開開心心有平澳龍食，食過龍蝦都知道本地龍蝦同澳龍絕對不能同波士頓龍蝦比美！脆皮芝士焗大大件好香口，唔算油
星期日同朋友四人一行入左屯門三聖邨，抽筋突然想食海鮮又無訂位，見到發記門口人山人海。。。試下去泰海鮮問問，好彩勉強比到張檯仔我地
OK, let’s go,發記 I am coming
可能仲係休魚期，蝦只有赤米，但好想食蝦，呢款赤米今日唔貴，先來斤半，再來龍蝦北寄具鮑魚花甲扇貝，少少地今日買住咁多先
好耐之前食過一次泰海鮮，今次D野點煮好呢？
白灼海蝦
海蝦赤米一定白灼點豉油
難唔到師傅，蝦新鮮就一定好食，細細隻鮮甜有味打開我個黑洞胃
油鹽水浸花甲
因為今日天氣熱大家無咩胃口食飯麵類，咁來個油鹽水浸花甲，花甲無沙，加左黑胡椒去煮，清甜鮮味
蒜蓉粉絲蒸北寄貝
比心機食呀，D野不斷上緊檯！
到北寄貝上檯喇。。。what!!!8隻點解咁大個碟？原來一開二，一人食4邊 on my god!好好好大隻，蒜蓉粉絲蒸真係無得輸，好多蒜蓉好多粉絲，但食落又唔會失左北寄貝的鮮味！我真係好鐘意食海鮮呀
脆皮芝士焗龍蝦
主角好快好快又上檯
一斤一隻澳龍真係抵食夾大件，都唔知多謝邊個喇，總知就大家開開心心有平澳龍食，食過龍蝦都知道本地龍蝦同澳龍絕對不能同波士頓龍蝦比美！脆皮芝士焗大大件好香口，唔算油膩，不過記得唔好即刻食，咀都辣熟架會
大大隻香噴噴啖啖肉，我十分鍾意，不過有朋友略嫌太飽
蒜蓉粉絲蒸扇貝
食到呢度先發覺點解同北寄貝咁似，因為小弟叫錯左喇，好似同扇貝撞左，不過我有的係胃口，好食！
酥炸鮑魚
食到最後一味3位隊友都已經唔多得，所以我一人食左兩隻半，呢個做法唔係我想要的，炸粉比較多都比較油膩，可能下次做煲仔會比較好
總結呢餐食得開心滿足
但要抖下先可以再食海鮮喇，好好好滿足
買料每次都去發記，新鮮海鮮價錢公道
餐廳環境算乾淨企理，員工快手快腳夠禮貌
但唯一就係上菜太快，海鮮凍左就唔好食，大家去記得試下叫侍應唔好上菜太快以免浪費左D靚海鮮呀
整體可以一試，下次有機會會試下佢其他招牌菜式
買料$1200，加工費$700
$700有5款海鮮同4罐可樂，相對經濟抵食
張貼