吱吱朕 (已結業)

又係一次覺得自己係港女多過吃貨嘅一次，因為我揀試呢間吱吱朕係因為想著套皇帝服影相，同埋呢度嘅碗碟餐牌菜名都做到好似係中國宮廷咁，所以今次黎完全唔係為食野。不過唔知係冇期待所以有驚喜定點，我地叫左個饅魚飯，薯條同幾種串燒都好有水準。飯就嫌份量太少，好似一個加大版嘅饅魚壽司，或者可能我太大食啦。飲品方面，我叫左個Fuji Spring更係我大愛，cocktail有時會好似藥水，呢款好清香，我朋友叫個隻就似藥水，所以推介Fuji Spring!我今晚係當晚餐咁食，因為太貴關係我地唔係叫左好多，所以好唔飽。呢間適合宵夜或者坐低飲杯野就好了，如果唔係，你飽你銀包就空空如也啦。