影片
更多
2021-09-08
88 瀏覽
早食完晚飯嘅後果就係『俾到藉口自己食宵夜』😂😂經過見到呢間咁古城feel嘅火鍋店！就被好奇心拉咗入去！**注意此店只接受用app登記入座😅Be都要即場dl番至入得**坐底卡位！二人前之宵夜邊爐開動！！. ✨ 宮廷藥膳湯 $128唔算藥材味好濃烈令人難接受嘅鍋底！眼見都幾足材料！有杞子淮山紅棗元肉等等等…唔想夜媽媽食麻辣！呢款感覺比較養生！. ✨ 老友鬼鬼(墨魚滑) 半份 $58原來係用油炸鬼釀入墨魚滑😆😆面頭仲加咗份量充足嘅蟹籽！係幾有創意！不過個人覺得呢個組合用嚟打邊爐有啲怪！因為油炸鬼會腍哂兼蟹籽會一路滾一路飄浮走哂！. ✨ 手切極品Prime牛小排 半份 $178油脂分佈均勻啲紋理好靚！肉質軟腍又有牛味！可能因為質素好😋😋所以焯得耐啲啲都唔會韌！如果唔考慮價位的話…叫一份都食得哂！. ✨ 老碼頭筷子牛肉 $88見餐牌推介就貪得意叫咗😛係預先漬製咗嘅牛肉條！微微辣味加上咗芝蔴係幾惹味！可能係因為牛肉切到似筷子粗幼而命名筷子牛肉😛係幾特別嘅！(但Be更偏愛原汁原味手切牛). ✨ 鮮魚鰾 半份 $52好少見有得叫咁刁鑽！平時都係叫魚片魚雲魚腩呢啲！咁今次就淨食魚鰾啦😝食落係預計到嘅爽脆
早食完晚飯嘅後果就係『俾到藉口自己食宵夜』😂😂經過見到呢間咁古城feel嘅火鍋店！就被好奇心拉咗入去！**注意此店只接受用app登記入座😅Be都要即場dl番至入得**坐底卡位！二人前之宵夜邊爐開動！！
.
✨ 宮廷藥膳湯 $128
唔算藥材味好濃烈令人難接受嘅鍋底！眼見都幾足材料！有杞子淮山紅棗元肉等等等…唔想夜媽媽食麻辣！呢款感覺比較養生！
.
✨ 老友鬼鬼(墨魚滑) 半份 $58
原來係用油炸鬼釀入墨魚滑😆😆面頭仲加咗份量充足嘅蟹籽！係幾有創意！不過個人覺得呢個組合用嚟打邊爐有啲怪！因為油炸鬼會腍哂兼蟹籽會一路滾一路飄浮走哂！
.
✨ 手切極品Prime牛小排 半份 $178
油脂分佈均勻啲紋理好靚！肉質軟腍又有牛味！可能因為質素好😋😋所以焯得耐啲啲都唔會韌！如果唔考慮價位的話…叫一份都食得哂！
.
✨ 老碼頭筷子牛肉 $88
見餐牌推介就貪得意叫咗😛係預先漬製咗嘅牛肉條！微微辣味加上咗芝蔴係幾惹味！可能係因為牛肉切到似筷子粗幼而命名筷子牛肉😛係幾特別嘅！(但Be更偏愛原汁原味手切牛)
.
✨ 鮮魚鰾 半份 $52
好少見有得叫咁刁鑽！平時都係叫魚片魚雲魚腩呢啲！咁今次就淨食魚鰾啦😝食落係預計到嘅爽脆嗦嗦聲口感！
.
✨ 油麥菜 $30
例牌係要臨尾要烚菜🥬幾新鮮青翠！
.
✨可樂 $18
開餐好伙伴🥤吐番口炭酸真心爽！！
.
另外呢度嘅醬料費每位會收25蚊！醬料種類係幾多而且可以任食埋水果吧！都ok嘅！是日水果有西瓜＆山竹！食完火鍋啪啲鮮果清一清油膩都幾好吖！**另外到埋單時發現店家原來做緊全單八折優惠**
17 瀏覽
0 讚好
0 留言
張貼
