影片
更多
2023-08-05
36 瀏覽
香港人鍾意去日本旅行飲飲食食，但旅行又邊可以成日去呢……識食嘅我就一定會Bookmark番幾間日本餐廳。今日就等我同大家介紹位於尖沙咀諾士佛台嘅「一遊」。去餐廳食飯除咗食物，環境都好重要㗎。一行出lift口，就見到餐廳係裝修上面花咗不少心機。全店用木系做主題，中間仲有一個庭園，令人有一種去咗京都，古色古香的感覺。座位與座位之間距離寬敞，坐得舒服，榻榻米包廂更適合一大班朋友。講左咁耐，食物終於嚟啦……我哋第一道叫嘅菜係：🌸海鮮沙拉新鮮爽口嘅沙律菜，配以一粒粒嘅海鮮刺身。醬汁酸酸甜甜，入口清新開胃，絕對令人胃口大增。🌸烤芝士海膽卷一片紫菜，包住芝士同新鮮嘅海膽，再沾上薄薄炸漿，大火油炸。紫色容易淋，大家記得要趁熱食，一咬開，海膽就係係口晩溶化，正啊！🌸傳統厚玉子話明「傳統」，入面沒有任何餡料，品嚐嘅就係蛋味同蛋香。將玉子燒切開，內層嘅熟度剛剛好，入口嫩滑。如果想口感更加豐富，仲可以將蘿蔔蓉放喺玉子燒上面，再淋上店家嘅秘製醬汁，滋味加倍。🔴芥末牛肉定食配刺身三點（附白飯，麵豉湯）雖然有「芥末」二字，但入口完全唔覺得辣。牛肉、本菇、洋蔥加上壽喜燒汁快炒，入口咸咸甜甜，好啱用嚟配白飯。刺身三點由
香港人鍾意去日本旅行飲飲食食，但旅行又邊可以成日去呢……識食嘅我就一定會Bookmark番幾間日本餐廳。今日就等我同大家介紹位於尖沙咀諾士佛台嘅「一遊」。
去餐廳食飯除咗食物，環境都好重要㗎。一行出lift口，就見到餐廳係裝修上面花咗不少心機。全店用木系做主題，中間仲有一個庭園，令人有一種去咗京都，古色古香的感覺。座位與座位之間距離寬敞，坐得舒服，榻榻米包廂更適合一大班朋友。
講左咁耐，食物終於嚟啦……我哋第一道叫嘅菜係：
🌸海鮮沙拉
新鮮爽口嘅沙律菜，配以一粒粒嘅海鮮刺身。醬汁酸酸甜甜，入口清新開胃，絕對令人胃口大增。
🌸烤芝士海膽卷
一片紫菜，包住芝士同新鮮嘅海膽，再沾上薄薄炸漿，大火油炸。紫色容易淋，大家記得要趁熱食，一咬開，海膽就係係口晩溶化，正啊！
🌸傳統厚玉子
話明「傳統」，入面沒有任何餡料，品嚐嘅就係蛋味同蛋香。將玉子燒切開，內層嘅熟度剛剛好，入口嫩滑。如果想口感更加豐富，仲可以將蘿蔔蓉放喺玉子燒上面，再淋上店家嘅秘製醬汁，滋味加倍。
🔴芥末牛肉定食配刺身三點（附白飯，麵豉湯）
雖然有「芥末」二字，但入口完全唔覺得辣。牛肉、本菇、洋蔥加上壽喜燒汁快炒，入口咸咸甜甜，好啱用嚟配白飯。
刺身三點由師傅安排，三款刺身各兩件。賣相精緻，入口新鮮。
🔴蜜桃梳打（無酒精）
蜜桃味濃又唔好甜，夏天飲夠哂清爽。
🔴巨峰燒酎
雖然有酒精，但入口酒味不重，提子味道清香，啱晒女仔。
順帶一提，店員嘅服務態度都好好，上菜時又會作簡單介紹。呢度絕對適合三五知己小聚一番。
張貼
