一盞燈 (已結業)

行完山，差唔多中午食飯時間，經過李鄭屋邨附近，發現一間裝修別緻的餐廳。一入門口，見到一個花花的藝術裝置，木系嘅裝修加上暖和嘅燈光，感覺舒服，枱與枱之間距離闊落，空間感充足。食物方便，水準都好好。吉列豚肉配沙律醬咖哩奄列飯，用上日本珍珠米， 豬扒炸得鬆脆可口，好味的咖哩飯。紫薯芝士奶蓋，紫薯唔太甜，有淡淡嘅香味， 同埋少少嘅薯蓉，配埋芝士奶蓋有少少嘅鹹味，幾夾，層次分明。法式春雞配薯菜煙肉，春雞煮得嫩滑，不過薯條有啲硬。凍latte每一杯飲品都會附帶一張卡片，上面寫上一啲文字，值得思考，好有禪意。最後加咗甜品－懷舊栗子西米布甸栗子蓉同埋布甸焗得恰到好處，唔會搶咗各自嘅味道，又唔會太甜👍😋下次去長沙灣附近，會再嘗試下餐廳内其他食物。總結: 食物質素高，價錢相宜，性價比高。環境: 空間感大，座位舒適，可以好relax咁消磨一個下午。