海饌 - 海鮮牛扒餐廳 (Fashion Walk) (已結業)

銅鑼灣Fashion Walk條食街不嬲多野食，今日去咗一間朋友介紹嘅餐廳，主要係食扒同埋海鮮西餐。餐廳都有少量戶外位，但係天氣凍都係坐入面。佢哋有個open kitchen，可以望到入面準備。仲有個生蠔枱提供時令生蠔。叫咗三道菜，一個海鹽燒白鱔串、傳統牛尾湯、同埋龍蝦芝士通心粉。海鹽燒白鱔串白鱔新鮮彈牙而且非常厚肉，外皮燒到脆卜卜。淋埋趙燒汁就更加好食。旁邊有啲小青椒仔亦都燒到香曬，食少少可以清下口腔傳統牛尾湯佢哋有幾款湯，全部都係係餐廳自己新鮮煲。呢款牛尾湯非常濃郁，入面仲有大量去骨牛尾肉，而且已經煮到好淋，絕對唔係一般罐頭可以相比。龍蝦芝士通心粉Mac and cheese不嬲都鍾意食，呢款加咗半隻去殼龍蝦肉入去煮嘅Mac and cheese，就令到我冇得抗拒。龍蝦肉仲保持爽彈，龍蝦汁溶埋喺通心粉入邊，真係超正。總括嚟講，間餐廳啲嘢穩打穩扎，質素同味道行先嘅好餐廳。