言居酒屋 (已結業)

難得老闆請食飯咁梗係要食好啲架啦，佢哋話食過呢間居酒屋覺得好食所以決定再去食一次。講真如果唔係有人介紹，自己應該係唔會行入嚟食嘅。因為佢個位置都幾隱蔽，而且身邊仲有間好出名嘅打邊爐，所以嚟得呢度應該都會揀咗食打邊爐多過搵呢間居酒屋，但係的確都好多熟客捧場。我哋叫咗幾樣嘢食，包括：螢光魷魚，唔同嘅串燒，日式叉燒炒飯，同埋上邊嘅一對刺身。我今日特別要講嘅就係嗰啲刺身真係好新鮮，特別係個海膽，佢完全冇腥味，入口即溶，講真價錢唔算10分貴，但係質素真係超高。仲有個油甘魚同埋帶子， 都好鮮甜。呢間居酒屋真係可以值得一試，因為佢嗰個氣氛好適合放工邊飲清酒邊食嘢邊傾計，成件事都好chill