稻埕飯店 (K11購物藝術館) (已結業)

稻埕飯店地址: 尖沙咀河內道18號K11購物藝術館B1樓B105-B106號舖呢㗎又未去得台灣，但又想食台灣菜，咁岩經過見到 @daocheng_ 餐廳座位非常寬敞，就決定試試。稻埕牛肉自家製手作麵 🍜 $108牛𦟌軟腍帶筋，份量適中，好軟身入味。糖心蛋係牛肉麵中比較少見，生熟度不錯。粗麵口感柔軟有少少彈性，但份量比較少。牛肉湯底有少少羶味，但湯底未夠入味，只飲得出鹹味。鵝不是鴨肉鵝油拌麵 🍝 $118鵝肉滑嫩唔鞋口，但唔係好食得出鵝油啲酥香。麵質煙韌彈牙，拌麵醬汁拌得均勻。不錯。金銀蒜泥五花白肉 🐷 $58一點都唔似係到喺度食緊肥肉，白肉好淋身，好有彈牙，好有膠質感，而且好有蒜泥味，不過就有啲渣啦。