93
6
2
港鐵尖沙咀/尖東站 D2 出口, 步行約2分鐘 繼續閱讀
電話號碼
26683300
營業時間
今日營業
11:30 - 10:30
星期一至日
11:30 - 10:30
公眾假期
11:30 - 10:30
公眾假期前夕
11:30 - 10:30
付款方式
Visa Master AlipayHK 支付寶 現金 八達通 AE 銀聯 Apple Pay Google Pay 微信支付
其他資料
網上訂座
Wi-Fi
酒精飲品
自帶酒水
切餅費
VIP房
電話訂座
賞訂座積分
有關獎賞計劃
食評 (111)
等級4 2020-10-14
191 瀏覽
推薦指數: 🤩🤩🤩🤩水準唔錯,機械人送餐,連甜品都好出色喎🤭平時出街比較少食台灣野,今日經過K11見到稻埕,裝修幾有格調,而家睇落餐牌好多元化,一於試下先!小食嗌左個台式臭豆腐🥶嗱,頂得順先好嗌,事關真係好臭下,但係臭得嚟勁酥香,係台灣夜市嘅味道呀😛臭豆腐出哂名臭,勁到隔離枱嘅都望住我地,不過真係好好食,炸得又乾身又脆口,仲有豆皮香,呢個小食夠邪惡😈之後嗌左個鵝不是鴨肉!用台式白滷水醃製,味道清香唔會太咸,仲帶有丁香、老薑嘅香味,帶出鵝肉嘅味道👍🏻鹽酥豬排滷肉台梗米飯+配溏心蛋💖好抵食呀,豬扒鹽酥超香口惹味,滷肉配米飯一流,再有半粒溏心雞蛋😍勁個飯就係perfect ! 大大碗兩個人share岩岩好😊再配兩款特式飲品!蜂蜜白苦瓜汁同士多啤梨乳酪沙冰。自己好鐘意飲白苦瓜蜂蜜汁 去台灣夜市必飲😝但呢度嘅味道偏淡,再多啲白苦瓜就更好啦。仲有「胃」置食甜品🤭係桂花酒釀丸子😇😇😇勁好食,熱嘅酒釀湯底,帶上淡淡桂花清白,小丸子煙韌有咬口💋超推薦!飯後甜品必食😀CP值幾高!價錢真心唔貴款式又多,下次再黎食下其他招牌菜同試下個芋圓先😃 繼續閱讀
(以上食評乃用戶個人意見 , 並不代表OpenRice之觀點。)
等級4 2020-10-09
495 瀏覽
今日和朋友去尖沙咀K-11行完街時覺得有些肚餓,見到<稻埕飯店>出面menu寫有限量發售既古草味蛋糕,於是去朝聖一下,我哋就叫左:鵝不是鴨肉 (例牌)$98: 是採用獅頭鵝,所以特別好味,獅頭鵝肉質比較嫩滑,味道鮮甜,仲有很爽脫嘅蘿蔔配菜同滷豆腐、芽菜,食起來一啲都不油膩,而且師傅刀工很好切得薄薄地 ,配埋一齊食更開胃。花枝月亮蝦餅 $88: 即叫即整,三角形既花枝月亮蝦餅好有鮮甜味,熱辣辣煎到金黃食落脆口,花枝味香濃,再配埋甜酸辣醬調一下味道更正!自家製古早味蛋糕 $48: 蛋糕面上很有心思印有餐廳名字,蛋糕質感鬆軟有彈力,好香蛋香味 。😋紅棗杞子桂圓米水$32: 是用米水沖,內有些桂圓、紅棗、杞子,飲落口時得舒適,潤喉很適合秋天季節時飲用。時令水果茶 $42: 當天時令水果有: 士多啤梨、橙 、白肉火龍果、荔枝等。配上透明杯更覺優雅,飲時味道覺得很清爽,帶有少少果酸味,有益又健康既飲料!👍+++++++++++++++如果大家喜歡💕我寫既食評,麻煩比個❤️鼓勵一下我,我會寫更多更好既食評比大家!😊 繼續閱讀
(以上食評乃用戶個人意見 , 並不代表OpenRice之觀點。)
小妹已有好一段長時間無寫食評喇!但今次可以成功吸引到令到小妹再次食寫評去推薦嘅係喺尖沙咀K11嘅「稻埕飯店」!一開始我們去K11仲諗緊搵去邊間餐廳食晚飯,小妹我就喺openrice搵吓,搵到呢間叫「稻埕飯店」嘅好評都幾多,而且睇到食物嘅照片都幾吸引,所以我們就決定入去食晚飯!喺門口等待店員安排我們入座嘅時候,我們睇到個放喺門口嘅大餐牌有呢個中秋節期間供應嘅「$788四人套餐」:金銀蒜泥五花白肉、福州佛跳牆、宜蘭三星蔥油鷄「例牌」、台灣白肉苦瓜炒美國頂級安格斯牛小排、蔭樹米豆乳鵝仔菜、滿滿骨膠原豬手、滷肉台梗米飯、黑糖薑母鮮奶湯圓!當中我們比較喜歡嘅分別係:金銀蒜泥五花白肉嘅賣相相當吸引,最初以為味道會係普通充滿蒜香味嘅五花肉,點知食落原來入面係有薄薄嘅青瓜片同五花肉一齊捲成,感覺非常爽脆清新,最好係唔好有好油膩嘅感覺!福州佛跳牆係最令我們驚喜嘅,因一開始打開嚟影相嗰陣祇係隨手搵到一隻鮑魚,當時已經覺得都幾大隻,但到分湯嗰陣就越分越驚喜,因無諗到小小嘅燉盅入面會有咁多湯料,除咗有鮑魚之外仲有花膠、海參、金華火腿等等等等⋯⋯真係超足料呀,湯底嘅味道非常芳香濃郁!滿滿骨膠原豬手燜得好腍好入味,肉質相當鬆軟,豬皮嘅質感非常煙韌軟滑,因燜咗有一定嘅時間,所以完全無硬實實嘅感覺!黑糖薑母鮮奶湯圓最初我們以為味道會好甜,但甜度竟然啱啱好,而且仲有桂花嘅清香味,同埋原本以為祇有湯圓,點知發現有埋芋圓,真係覺得好開心!至於宜蘭三星蔥油鷄「例牌」同另外可以用$68優惠價追加「鵝不是鴨肉」例牌嘅味道都相當唔錯,但令到我們有啲啲微言嘅就係擺放得太過側埋一邊,略嫌賣相唔太好睇!至於稻埕牛肉麵就係我們特意另外點,因每次去每一間台灣飯店牛肉麵都係我們必定會叫嚟食,一開始飯咗啖湯,湯底嘅味道超級鮮甜濃郁,牛𦟌肉質係超鬆化軟腍,而且有入口即溶嘅感覺,而且份量十足,麵質亦非常煙韌彈牙,真係值得推介再推介呀!另外喺用餐嘅時候,見到有個電子傳菜員負責送餐出嚟,感覺真係特色同可愛! 繼續閱讀
(以上食評乃用戶個人意見 , 並不代表OpenRice之觀點。)
等級4 2020-09-26
517 瀏覽
經常行經K11 Art Mall,都見到舊茶木個位開左間台式餐廳。成日都見到好多人,但又一直都無試過,今日收工就同朋友去左食dinner。由於餐廳真係好多人,建議一係訂枱,一係非繁忙時間先去食~不夠臭豆腐一上枱就聞到臭豆腐既香味🤣佢地切成長條型,細細塊,唔同香港個啲一大磚。外皮甘香鬆脆,而豆腐都好滑,外脆內軟幾好食,但係就略嫌豆腐太薄左少少。鵝不是鴨肉姐係例牌獅頭鵝,鵝肉同鴨肉肉質相比,似乎細膩,簡單啲黎講無咁柴同粗,無乜痴牙。調味到位,雖然有甜酸醬點,但我更偏向就咁食~另外,墊底既滷水豆腐意外地超好食~~~入哂味,有豆香味,而且好滑。鹽酥豬扒滷肉台梗米飯鹽酥豬扒香,但外皮比較鬆散,無左鬆脆既口感。滷肉反而肉質好好,味道亦夠香好送飯,係我呢個平時食魯肉飯會撩開啲肉黎食既人都覺得好食。糖心蛋煮得好靚,而且又夠入味,蛋黃香甜,一啖放入口感覺好好~~桂花酒釀丸子呢個賣相認真唔得,我覺得餐廳可能要考慮下用另一款碗碟去裝。撇開賣相唔講,呢個甜品有驚喜。我係一個好鐘意食酒釀既人,同時都好鐘意桂花味,而平時食到既酒釀丸子,料都比得好少,包括桂花味都無乜。但呢個好足料,桂花味足夠而且香,酒釀甜,加埋煮得軟糯既小丸子,令人十分滿意~蜂蜜白苦瓜汁去親台灣都會飲既經典野~入口有陣好香既蜂蜜甜味,耐左就會浮現一陣苦瓜既甘苦味,感覺清新鮮膩。草莓櫻花沙冰可以滿足下我既少女心~睇名會覺得有啲伏,但實際上佢既味道感覺自然,無藥水味,淡淡既草莓香味,加上少少類似漬物櫻花既味道,同埋頂層奶香味重既忌廉,又幾好飲喎!另外佢地有部紫外線消毒機可以比客人消毒電話,要知道我地去邊都帶住電話,周圍摸完又摸部電話,其實電話好污糟。所以有需要既朋友可以問店員借黎用!總括黎講,今次用餐感受良好,餐廳裝修有氣氛,座位寬闊坐得舒服,仲有部可愛既送餐機械人~ 繼續閱讀
(以上食評乃用戶個人意見 , 並不代表OpenRice之觀點。)
等級4 2020-09-15
629 瀏覽
尖沙咀放工, 經過呢間係K11既餐廳係外面望入去, 以為係一間高級西餐廳, 睇下餐牌先知原來係食台灣野既, 見D價錢都唔貴, 就入左去試下餐廳既環境好有格調, 佢既座位仲要係D皮梳化黎既, 坐得好舒服 呢度係用電話落單, 仲有電話消毒機提供呢度有各種台式小食, 滷肉飯, 牛肉麵, 仲有好多特式飲品, 我同朋友揀左幾款食物, 一送餐黎既時候, 好搞笑, 原來呢度有個送餐機械人, 佢會自動送餐不夠 臭豆腐: 難得見到有臭豆腐食, 就叫左一碟, 上枱已經聞到臭豆腐既香味, 豆腐外皮好鬆脆, 而神奇既係入面既豆腐仲好滑, 忍唔住一啖接一啖鵝不是鴨肉: 叫左個例牌, 但原來份量都幾多, 有鹵水鵝片, 鵝肉件, 鹵水豆腐, 仲有芽菜同酸蘿蔔伴碟, 鵝肉好嫩, 一D都唔韌, 鹵水好入味, 好好味鹽酥豬排滷肉台稉米飯: 呢個滷肉飯真係好出色, 滷肉肥瘦適中, D滷肉既味湛入飯入面, 鹽酥豬排炸到外皮好脆, 入面既肉仲係好嫩, 再加埋佢個糖心蛋, 真係配合得好出色薑汁桃膠燉杏仁鮮奶: 入面有鮮奶、桃膠及生薑絲, 配合好好, 好鍾意桃膠既口感紅棗杞子桂圓米水: 養生又好飲草莓櫻花沙冰: 甜度適中, 外型仲好靚, 打卡一流 繼續閱讀
(以上食評乃用戶個人意見 , 並不代表OpenRice之觀點。)