日常素食 (已結業)

素食自助餐其實都好吸引平時食肉比較多，所以得閒食下素都唔錯‼️價錢非常實惠，而家款式選擇一啲都唔hea加上食物質素好掂 簡直係win win食咁多款食物，起碼九成都係非常稱心滿意❤️⭐️回鍋肉味道非常有驚喜，辣辣地好惹味，整得好入味，完全可以喚醒味覺⭐️素菜腐皮卷雖然應該放左一段時間，但食落唔會好油膩，反而仲有少少脆中間全素嘅餡料好脹滿，非常有口感⭐️XO醬蘿蔔糕呢個蘿蔔糕真係令我好有衝動想新年嚟買作為賀年糕點蘿蔔糕唔會落得太多粉，食落口感好soft，但又唔會一夾就散仲有滿滿蘿蔔粒嘅口感⭐️薑醋素食薑醋嘅特別之處係無豬腳果種油膩感反而我鍾意呢款，薑味&醋味好平衡⭐️壽司+素刺身刺身真係有三文魚味㗎⭐️紫米西米露甜品都有幾款，除咗紫米西米露外，仲有薑汁糕、純素雪糕、杞子桂花糕、椰汁糕‼️呢度嘅甜品甜到啱啱好⭐️蒟蒻麵呢個係冷盤小食，味道好韓風有麻油香，好好味！