影片
更多
2019-03-14
47 瀏覽
同朋友放工happy hour，梗係要搵啲好嘢食啦。嚟到佐敦呢間日式餐廳，之前都未試過，朋友推介所以揀咗。好彩平日嚟到，唔使等位都可以入座。環境寬敞，裝修幾有日本特色。見到餐牌嘅食物款式都幾多，有一張餐單專點壽司魚生類，另外一張就可以寫其他食物，另外仲有啲酒精飲品等等。金龍蝦反捲形狀貌似一條龍，有六件蝦卷物組成，卷物上面有啲沙律醬同埋蟹籽賣相都幾吸引，口感層次豐富。壽司嘅款式都幾多，我哋點咗帶子壽司、三文魚腩壽司、蟹柳壽司，其中最正係帶子壽司，帶子新鮮，食落有口感，而三文魚腩的魚腩嘅體積都幾大，一口真係咬唔曬。另外點咗蟹籽軍艦，不嬲都幾鍾意食蟹籽。芝士焗蠔同埋海鹽焗蠔，各點咗嗰一件。熱辣辣非常香口，食落啲蠔汁爆曬出嚟。牛柳粒非常林，值得推介，用鐵板載住。牛柳粒都幾大件，配埋薯蓉就真係幾飽肚，牛肉汁係精華所在。串燒雞翼一碟有兩串，每串有兩件。雖然有另一款芝麻雞翼，但係我比較喜歡串燒嘅煮法。玉子厚身，切成六塊左右，食落都幾實在，味道比較清淡。如果想食健康嘅，就可以考慮一叫。最後忍唔住口，都叫咗啲熱氣嘅，炸魷魚鬚邪惡不過好味。魷魚如果切細舊啲，會比較方便咀嚼，不過整體都ok。最後埋單二百幾蚊
好彩平日嚟到，唔使等位都可以入座。環境寬敞，裝修幾有日本特色。見到餐牌嘅食物款式都幾多，有一張餐單專點壽司魚生類，另外一張就可以寫其他食物，另外仲有啲酒精飲品等等。
金龍蝦反捲形狀貌似一條龍，有六件蝦卷物組成，卷物上面有啲沙律醬同埋蟹籽賣相都幾吸引，口感層次豐富。
壽司嘅款式都幾多，我哋點咗帶子壽司、三文魚腩壽司、蟹柳壽司，其中最正係帶子壽司，帶子新鮮，食落有口感，而三文魚腩的魚腩嘅體積都幾大，一口真係咬唔曬。
另外點咗蟹籽軍艦，不嬲都幾鍾意食蟹籽。
芝士焗蠔同埋海鹽焗蠔，各點咗嗰一件。熱辣辣非常香口，食落啲蠔汁爆曬出嚟。
牛柳粒非常林，值得推介，用鐵板載住。牛柳粒都幾大件，配埋薯蓉就真係幾飽肚，牛肉汁係精華所在。
串燒雞翼一碟有兩串，每串有兩件。雖然有另一款芝麻雞翼，但係我比較喜歡串燒嘅煮法。
玉子厚身，切成六塊左右，食落都幾實在，味道比較清淡。如果想食健康嘅，就可以考慮一叫。
最後忍唔住口，都叫咗啲熱氣嘅，炸魷魚鬚邪惡不過好味。魷魚如果切細舊啲，會比較方便咀嚼，不過整體都ok。
最後埋單二百幾蚊一個人，雖然想食埋甜品，不過個肚真係冇位喇，下次有機會再試。
張貼
