千賀水產 (已結業)

普通魚生壽司放題我食得多，磯燒都食過！但磯燒放題真係第一次！原來晏晝只係百幾蚊一位！ 咁抵我又點會錯過呢？呢度食物選擇都唔少，只係有小部份海鮮要添加的話就要加錢。一黎就已經有一大盤海鮮拼盤俾我哋燒！我哋眼前一亮！好興奮！有大蝦、赤貝、元貝同大蜆！出去四周圍睇吓， 原來除咗飲品係自助式外，沙律前菜螺肉八爪魚都係自助！其中有一大盤蟹籽任攞！甜品櫃有蛋糕、泡芙、生果、雪糕、雪條。燒大蝦啖啖肉，食完向下上邊灑上鹽花，鹹鹹地好香。赤貝都好彈牙好鮮味！呢度仲有蟹肩，肉甜。呢度嘅粟米唔係一嚿嚿， 以粟米粒來上，已經混上牛油，好飽滿好甜。翠玉瓜都好鮮甜多汁！用來燒好好食！翠玉瓜同埋蟹肩之外， 燒菠蘿係我嘅至愛！呢度燒菠蘿勁多汁！又甜又爽！燒蠔都好鮮味！一啖一粒啱啱好！清酒煮蜆酒味好香！啲蜆嘅肉都好大！另外仲有啲熟食，我叫咗個牛肉雜菜鍋！湯底清甜！入邊有大量蔬菜同豆腐， 平衡一下食咗咁多肉。另外芝士焗蠔都唔錯，面層焗至金黃色。蠔夠creamy!呢個質素真係一啲都唔似只係百幾蚊！如果當職員唔太忙嘅時候，佢都會幫忙一齊燒。冇質素都唔錯！