秘撈 (已結業)

今日去咗長沙灣茘枝角見客，之後去咗D2 Place 二期，諗住上去搵嘢食，經過一間外賣店叫秘撈，主打台灣及四川菜，天氣咁熱，食啲辣野會開胃啲，餐牌上的食物都好岩我胃口，一於買返屋企食。鹽酥雞香腸便當，鹽酥雞外皮酥脆飄香，肉質鮮嫩可口;香腸口感紮實，嚼勁十足，煙韌多汁，還有原隻滷蛋相當入味，重有蔬菜、酸菜和青瓜，相當豐富。所有主食都有汽水送。鐵路滷排骨便當，滷過的排骨軟嫩多汁又入味。亦配有滷蛋、蔬菜、青瓜、酸菜和汽水。胡麻醬手撕雞冷麵 ，手撕雞冷吃的味道很清新。雞肉鮮甜美味。配上香濃的芝麻醬，很是開胃。 微涼的麵條質感有咬口，每一條麵條都沾滿胡麻醬，十分惹味。香腸肉鬆手抓餅，手抓餅金黃香脆，內裡餡料有台灣香腸、肉鬆和生菜，層次感豐富又美味。麻辣豬耳，豬耳爽口彈牙，經滷製後再配上麻辣醬汁。 切成幼絲的豬耳口感爽脆，既麻且辣的味道，十分開胃。麻辣牛肚，牛肚爽口夠入味，麻得過癮、辣的回味！川味手撕雞（小辣），川味結合了椒麻香及酸辣的帶勁滋味,將鮮甜又多汁的雞肉手撕成絲條狀,搭配小黃瓜的爽脆口感,淋上特製的椒麻醬汁，真的是色香味俱全！