靚煲皇

秋風起就諗起打邊爐
上次係靚煲皇食過番尋味
因為材料真係好新鮮，而且都幾抵食
老闆服務一流又好傾，佢會主動教我地點食先係最好食
所以今次聚會地點又決定黎番呢到
其實我係貪佢有usb插頭叉電同埋wifi多到比我開直播都得

點估到火鍋店竟然有日式三文魚刺身，而且質素絕對比得上壽司店，新鮮既魚腩位置配埋wasabi  同日式豉油，誠意十足喎🤤

$88

餐前小食過下口癮，未齊人又想等埋一齊先食雞煲，呢個最適合不過，解餓之餘又唔會頂胃飽肚🙈

$68

平時作為後生女既我一聽藥材湯通常都灑手擰頭調頭走😂但呢個湯好驚喜，落足藥材料之餘完全唔苦！仲要有清甜味，飲完之後暖笠笠，冬天必備既補身煲😋

$188

嘩....成隻雞擺係你眼前自己落！仲要砌成心型圖案咁浪漫🙈有無偷工減料一睇就知啦！雞肉勁嫩滑，因為新鮮雞，所以無冰鮮雪藏味，大推😍

$188

打邊爐點可能無肥牛？雪花紋理好平均，好重牛味食完之後個牛味仲留係口唇邊，終於知道咩叫齒頰留香😂

$208

唔鐘意食菜既人食呢個岩曬😋好爽口之餘，仲中和油膩感覺又消脂！

$28

呢個豬潤唔係成日有貨，所以見到就即刻叫😍同出面個d好唔同，唔會又苦又大陣內臟味！係彈口同甘香！新解豬潤先做到咁既感覺🤤

$48

韮菜餃黎講其實間間店都有，但呢間真係要特別讚！出面既韮菜餃都係豬肉加韮菜，但呢間竟然係用蝦肉😳😳仲要落埋韮王，識食就知好小可會足料到咁，名正言順既皮簿餡靚😍

$58

呢個仲罕有過黃沙豬潤，又係唔係成日有！所以見到要即點！佢係牛胃最前既部分，新鮮到焯幾秒就食得！雖然價錢有d肉赤，但係勁爽口！值得既！

$98

咁肥既鵝腸真係少見😂出面好多都比d咬極唔斷既橡筋你，呢到有肥膏既油脂味😋

$88

熟左既墨魚滑好彈牙，而且因爲佈滿蟹子，所以食落仲會有卜卜聲，多重口感好正🤤

$88

其實仲有響玲同烏冬！不過只可以擺12張相，見上次擺左就忍痛放棄啦🙈

鮮炸自家製響玲極度推薦大家試！真係新鮮腐竹炸出黎🤤🤤所以可能比其他食物耐小小先到，但岩岩炸完個下真係香到癲，吸埋個湯勁好食，每次黎都必叫！

烏冬又係勁彈牙，都係自家制架！無普通烏冬既酸味，建議大家淥一陣就好食，唔好浸到淋曬，曬左個靚烏冬呀！