一行9人早15分鐘到達，便在餐廳入口處旁等入座。諗住提前15分鐘會安排入座，這間等到15:27才安排客人入座。條人龍已經長長，感覺上五星酒店唔應該咁安排，其實應該先安排入座再提醒客人自助餐幾點開始可以取食物。
下午茶食物供應款式頗多，凍海鮮有四款：蝦、青口、翡翠螺、沙白；
沙律菜及芝士凍肉拼盤。有4款魚生及6-7款壽司供應。
熱食有燒牛肉、蒸班腩、肉醬意粉、煎腸粉、港式煎釀三寶、杏仁茶；
點心有：墨魚皮燒賣、蝦餃、叉燒包；仲有海南雞飯、叉燒及粉麵檔。
湯有兩款：忌廉青豆湯及鴨肉素翅羹。
餐飲區係自助、有咖啡機、TEA WG茶包、凍飲有咖啡、檸檬茶及橙汁；雪糕提供H字頭 獨立杯裝雪糕。
今次其實係比佢個甜品單吸引先黎幫襯
•栗子蒙布朗
•杜斯朱古力鮮芒果意式奶凍
•栗子忌廉蛋糕
•Nutella脆皮布里歐
•栗子慕斯朱古力布甸
•焦糖朱古力冬甩
•香梨果醬雲尼拿芝士蛋糕
•開心果黑朱古力酥皮忌廉筒
•焦糖朱克力醬魔鬼肉桂卷
•栗子肉桂糖可頌瑪芬
以上甜點大部份都試了，以肉桂卷、脆筒、栗子蛋糕＆Mont Blanc最出色
唯一不足係部份甜點名牌無插或插錯。只能憑甜品外觀選取。
1
