成都老碼頭火鍋 (已結業)

喺香港春夏秋冬都可以打邊爐嘅，而家係秋天但差唔多成日都似夏天咁，但係呢幾日就有番D秋天嘅氣息，仲有些少涼意，更加要打邊爐啦。朋友喺塘尾道附近返工，提議喺呢間打邊爐，地方大，裝修勁中國風，猶如到咗四川，重慶一帶👍喺個豬骨湯底未上之際，嗌咗個“涼拌魚皮”做餐前小食，打發個時間，講真，今次係我第一次食，有D驚喜，好爽脆的口感，啲sauce 亦酸酸辣辣，非常之開胃。以下呢啲"爽脆牛黃喉"，"芝士小籠包"，"功夫腰片"，"珊瑚蚌"，"皇帝菜"和"黑椒馬蹄豬肉丸" 就係呢晚點嘅，全部好新鮮，芝士小龍包唔係平時嗰D，個皮煙煙韌韌，入邊芝士味濃郁，好特別吖；腰片薄切好易熟，皇帝菜翠緣好吸引。最後嘅"紅糖糍粑" 即炸即起，好好食，好滿足。