釣魚船屋 (已結業)

我哋一早book左房，入左一間房仔， 空間好大，周圍郁都唔驚，要除鞋，四個人就算好大聲傾計都唔驚人地聽到， 閂埋門之後嘅私隱度超級高， 無論傾私事定公事都好適合。 又有得QR code落單同禁鐘叫人過黎，岩哂我呢d科技撚。總之，絕對適合幾位朋友或者一大班朋友來慶祝生日或者玩下感受下釣魚嘅樂趣！食物方面，釣魚船屋刺身盛 梅（$380），魚生厚身，非常新鮮，值得再叫！冷稻庭烏冬（推薦，$68） - 點完濃濃的醬汁後，非常入味，掛起曬醬汁，加入生雞蛋後更香，推薦！釣魚船屋招牌卷（$168）上到的時候只有三件，但發現原來佢勁細心幫我哋每一件分成兩半所以total有六件可以share食，加分。海膽杯（特價）的海膽完全不腥，性價比高，還叫了一個濃湯蕎麥麵卻沒什麼特別，稻庭冷烏冬特別推薦！鰻魚牛油果卷（$98）鰻魚有鰻魚味，牛油果香香的。甜品方面，蜜桃和芒果雪葩（必點，$68）都非常好吃，特別是蜜桃，並不是化學的味道！是真的有水果味的，非常高質。我只是吃了一口就已經想再叫一個，必點！