影片
更多
2025-08-04
0 瀏覽
尋日星期日真係熱到飛起，成個人溶咗咁，忍唔住要搵個地方涼吓冷氣同充吓電。啱啱最近朋友介紹咗呢間係佐敦嘅cafe，話裝修幾特別，野食又好有特色，所以就決定去試下。一入到去，首先覺得間cafe個環境真係幾有心思，有啲異國風味，彩光度又好好，啱晒星期日懶洋洋咁hea一hea，仲可以順便避下暑。#墨西哥蛋捲（我揀咗辣雞肉）蛋捲好厚身，面頭煎到金黃色，咬落去唔會死實，啲辣雞肉都幾入味，唔會嗆喉，辣得嚟好開胃。最正係可以自選餡料，下次想試埋蘑菇！#菠菜煙鮭魚忌廉混醬意粉呢個意粉都幾有驚喜！忌廉醬好香滑，但又唔會膩，煙三文魚份量多，唔係剩係得幾片「影相用」咁。加埋菠菜，成碟食落去好食得黎又幾健康feel。#香烤辣雞翼配酸椰菜雞翼烤得夠香口，啲辣味啱啱好。配埋酸椰菜幾特別，解膩之餘又幫個味道加咗分層。#DirtyDirty啲奶好滑，咖啡味又夠香，拎上手影相都靚。張單最後俾大家參考下
一入到去，首先覺得間cafe個環境真係幾有心思，有啲異國風味，彩光度又好好，啱晒星期日懶洋洋咁hea一hea，仲可以順便避下暑。
#墨西哥蛋捲（我揀咗辣雞肉）
蛋捲好厚身，面頭煎到金黃色，咬落去唔會死實，啲辣雞肉都幾入味，唔會嗆喉，辣得嚟好開胃。最正係可以自選餡料，下次想試埋蘑菇！
#菠菜煙鮭魚忌廉混醬意粉
呢個意粉都幾有驚喜！忌廉醬好香滑，但又唔會膩，煙三文魚份量多，唔係剩係得幾片「影相用」咁。加埋菠菜，成碟食落去好食得黎又幾健康feel。
#香烤辣雞翼配酸椰菜
雞翼烤得夠香口，啲辣味啱啱好。配埋酸椰菜幾特別，解膩之餘又幫個味道加咗分層。
#Dirty
Dirty啲奶好滑，咖啡味又夠香，拎上手影相都靚。
張單最後俾大家參考下
張貼
