煮打菜打冷小菜館 (已結業)

朋友住喺筲箕灣，嗰日去完佢屋企探佢，佢就帶咗你食呢一間打冷，佢話包我食過返尋味，咁犀利，所以抱住好奇一試嘅心態就去左食。滷水拼盤，食得出d滷水汁好多年夠曬味又唔似坊間嗰啲會咁咸。炸蠔餅，你睇啲蠔又肥又大，而且落足料好多蠔，炸得又唔油。呢個蒜油牛油蜆係必食，蜆充滿住香蒜同牛油味，無沙，蜆好大隻但唔韌，一定要食！銀魚爆牙肉餅，得獎菜式，切碎魷魚加入肉餅，又滑又彈牙加上脆脆炸銀魚，真係要黎多碗白飯！名副其實既禾稈冚珍珠，深藏不露既小菜館，難怪連平日都人頭湧湧！