影片
更多
2019-08-31
127 瀏覽
今日考完試早放學，終於有時間可以行下街～因為唔想再食連鎖鋪頭所以去左禮頓道搵食，發現左呢間岩岩開張既小店。店面唔算大，一眼睇哂，但都有立食區，唔想攞走既話，堂食都可以～囍筷主打台式食物，可以見到餐牌上主食以鹹水雞、蔥油拌麵同滷肉飯為主，而炸點有成十一款，有鹽酥雞、花枝蝦卷、薯球、鴻喜菇等等，好多選擇。囍筷除左有鹹水雞同鹽酥雞之外，仲有四款唔同口味既雞翼（椒鹽蒜香、沙茶、辛辣同蜂蜜芥末），睇啲味道都幾吸引， 相信小食將會係囍筷既主打。試業期間套餐有試業價，$58仲有埋野飲，以銅鑼灣黎講呢個價錢算幾抵食。而飲品可能仲係試業期間，選擇唔算太多，大約五六款左右，但都有綠妍、四季春呢啲出名既茶種。比較特別既仲有鳳梨苦瓜盅，套餐加$8就有，可惜叫左太多野食，唯有下次再試。鹹水雞涼盤配蔥油拌麵 $58雞肉嫩滑多汁，充滿鹹香，麻油味香濃，加上芝麻落得好大方，好惹味。鹹水雞涼盤入面仲有西蘭花、鴻喜菇、紅蘿蔔、青瓜同黃椒，賣相色彩繽紛得黎又健康。而且全部都好新鮮同好多汁，配埋鹹水雞既醃料鹹鹹地好清爽。蔥油拌麵麵質煙韌，醬油味濃，帶少少微辣，配芽菜同韮菜食可以增加口感無咁寡，不過份量真係好多，食到一半已經
囍筷主打台式食物，可以見到餐牌上主食以鹹水雞、蔥油拌麵同滷肉飯為主，而炸點有成十一款，有鹽酥雞、花枝蝦卷、薯球、鴻喜菇等等，好多選擇。
囍筷除左有鹹水雞同鹽酥雞之外，仲有四款唔同口味既雞翼（椒鹽蒜香、沙茶、辛辣同蜂蜜芥末），睇啲味道都幾吸引， 相信小食將會係囍筷既主打。
試業期間套餐有試業價，$58仲有埋野飲，以銅鑼灣黎講呢個價錢算幾抵食。而飲品可能仲係試業期間，選擇唔算太多，大約五六款左右，但都有綠妍、四季春呢啲出名既茶種。比較特別既仲有鳳梨苦瓜盅，套餐加$8就有，可惜叫左太多野食，唯有下次再試。
鹹水雞涼盤配蔥油拌麵 $58
雞肉嫩滑多汁，充滿鹹香，麻油味香濃，加上芝麻落得好大方，好惹味。鹹水雞涼盤入面仲有西蘭花、鴻喜菇、紅蘿蔔、青瓜同黃椒，賣相色彩繽紛得黎又健康。而且全部都好新鮮同好多汁，配埋鹹水雞既醃料鹹鹹地好清爽。
蔥油拌麵麵質煙韌，醬油味濃，帶少少微辣，配芽菜同韮菜食可以增加口感無咁寡，不過份量真係好多，食到一半已經好頂肚。
蜂蜜芥末雞翼配滷肉飯 $58
肉燥肥瘦適中，肉味都算濃，滷肉汁甘甘香香，但比起鹹水雞，滷肉汁會有啲淡味，唔夠香濃。溏心蛋蛋黃好大粒，蛋香好香濃，配甜甜既滷肉飯食好正。仲有台式香腸同四季豆做配料，好豐富。
蜂蜜芥末雞翼蜜糖味濃郁，而且新鮮炸出黎，所以即使外賣都做到外脆內軟既感覺，不過芥末味就唔算好出。
原味椒鹽蒜香雞翼 $26
雞翼大大隻，即叫即整，所以新鮮熱辣，
醃得唔錯，唔會淨係得表面有味，入面都食到有蒜味。
辣辛扒扒醬雞翼 $29
三款雞翼入面我最中意呢款，雖然唔係好辣，但辣得好有層次，唔會一味死辣，好惹味！
鴻喜菇 $28
問左店員小食有咩好推介，佢推介左鴻喜菇同鹽酥雞。不過我已經試左三款雞翼同鹹水雞，費時再食雞，就叫左鴻喜菇同台式香腸。鴻喜菇真係無推介錯，好好好好好食呀！即使唔係即時食都仲好香脆，鴻喜菇好多汁，加埋淮鹽食好鬼惹味！
台灣香腸 $28
比較瘦所以油脂味唔算好重，
肉味香濃，外層脆卜卜，
如果有埋蒜片就更加好啦！
台南冬瓜茶
本身都怕會好甜，但店員話會溝少少綠妍落去，咁就無咁甜，冬瓜茶比我想像中更清甜，又可以消暑解渴，而且都幾大杯，平時行銅鑼灣經過都可以過黎買杯！
囍之綠妍
綠妍茶香味濃，甜度岩岩好。
張貼
