家鄉小食 (已結業)

新蒲崗呢間小店主要做外賣，主打福建家常小菜，有家鄉飯餐、特色小食、麵、甜品、老火湯等，好多選擇。今次點左呢度既招牌皇牌薑母鴨飯，薑母鴨炆到好入味，配上菜飯，好正。另外仲點左花膠螺頭淮山雞湯，味道鮮甜，而且養生又美顏潤膚！爽脆扁食係好出名既福建小食，佢的的骰骰，薄薄既皮包住豬肉，好味道。最後仲點左炸蠔餅，入面有大大隻既蠔，超級足料，炸到好香脆。老闆仲送咗呢個麻辣豬耳小食俾我哋，口感好爽脆，辣度亦都好夠，勁惹味。