神輿日本料理 (已結業)

最近試咗呢一間新食店，從門口開始已經感受到滿有日本風情既氣氛，裡面裝修簡單樸素，而座位寬敞，環境整潔衛生，而且服務員招乎周到，讓人客食得非常舒適。呢間放題價錢連加一大概$260一位，食物款式都比較多，而且刺身都鮮味濃郁，尤其係大大隻甜蝦，長長嘅蟹柳棒，都非常甜美而且賣相亦唔錯。小食方面，有鮮炸雞軟骨同天婦羅，味道非常爽脆，而一口和牛都調味合宜，不太油腻，仲有芝士年糕，入口即滲出暖暖嘅芝士醬，不過最好食都是♡榴槤球♡離遠已經滲入香濃榴槤嘅味道，鐘意食榴槤嘅朋友唔好錯過。另外，仲有羊架，秋刀魚，東波肉等，用料烹調十足，火候調較合宜，而且肉質不太煙韌，而秋刀魚入口亦不會太過有腥味，見到好多食客都食到滋味無窮。