博多拉麵別天神 (已結業)

好味正宗日式拉麵🍜放工時間過開黃埔睇戲，順路覓食，七點零鐘，巴士一落轉入德民街就見到呢間拉麵，「別天神」話明日式，當然先係自助形式買飛，然後等食，我揀咗豚肉湯味拉麵，同餃子，亦即係佢哋嘅招牌豬骨湯底，湯頭十分濃郁，吾覺油膩，加上兩片大大半肥瘦叉燒同一隻流心蛋，爽口木耳絲，好足料👍🏻食得拉麵當然最着重個麵底，麵底好煙韌，爽口,，當然成碗清哂啦。另外個日式餃子好飽滿，出乎意料好食，見到師傅係落單先煎，吾係整好哂放係到👍🏻如果鍾意食辣又或者愛好自已調味嘅朋友，可以自行調製隱藏口味，當中嘅辣芽菜免費添加，一定要試！最後我仲參加埋佢個五周年活動，超簡單喺Instagram分享食物相，可以拎走別天神日本制毛巾一條😍