發哥粥底海鮮火鍋 (已結業)

喺街收到張發哥火鍋$20優惠券，天氣又轉涼了，被吸引去了打邊爐暖返下！😂鋪頭唔顯眼，同朋友喺街度搵左陣，原來地舖喺大廈入面。呢度好特別，侍應介紹兩個唔使嗌埋同一個任食餐，可以一個揀$198餐， 而另外可以揀$258嘅餐。👍🏻我同朋友唸唸後, 都揀咗＄198雞煲火鍋加任食邊爐餐。等左幾分鐘，雞煲好快上枱，醬汁幾好味，香濃嘅豆瓣醬料味，但係又唔會太鹹，同啲雞肉好夾！加埋啲洋蔥，芫荽香味越幫越強，好好味！雞肉新鮮彈牙！👭👭👭食完雞煲火鍋，侍應幫我地轉咗做粥底火鍋打邊爐，非常特別！呢度有50幾樣配料可可以任食，但每次只可以揀八樣，我同朋友試咗好多樣都好新鮮！肥牛、腩片、墨魚丸、魚骨懶，都好新鮮！墨魚滑、沙巴、竹笙、淮山片好食，魚腐一般，唔夠彈牙。健康菜式有乜菜、萵筍，好好食！花膠、雲吞都必食！估唔到竹庶茅根都係任飲，餐廳煲得唔會好清甜，飲咗即刻覺得冇咁熱氣，我同朋友兩個人飲咗兩渣，味道清甜好好飲！直到最後，啲湯吸收晒啲精華後，我叫侍應上咗碗粥，按自己份量喜好加入火鍋湯度滾。侍應幫我落埋啲南瓜粒、芋頭粒同啲粟米粒，等滿足更加香甜！啲粥吸收晒啲精華後，好香甜好好味，食到啲好鮮嘅硯味！