影片
更多
2019-06-09
70 瀏覽
今日適逢結婚紀念日 同老公約定嘆omakase 揀咗元朗三大人氣壽司店嘅其中一間餐廳有兩款座位 Bar檯位就可以睇師傅刀功而我地就選擇坐餐檯位 方便細細聲傾下計 店員非常細心會不時加茶 上菜時又會細心講解食材特色及食法今晚嘅廚師發辦包括前菜 刺身五款 一款一品料理 壽司八款 湯 以及甜品 師傳先以靜岡縣溫室水果蕃茄打頭陣作為前菜上層鋪咗水菜同埋洋蔥 而水果蕃茄標榜高甜度食落軟腍多汁 食完口腔一直存甜香 開胃度滿分第一款刺身係兵庫縣珍寶蠔配蟹籽酸汁啫喱以芽蔥與菊花伴碟點綴 芽蔥帶來清新口感生蠔厚肉肥美 質感creamy 餘韻帶淡淡海水味 酸汁啫喱豐富味道 同時提升蠔嘅鮮味然後再食蜜柑鯛刺身 令我印象難忘入口先有甜味後有柑香味 肉質鮮甜爽滑配合師傳於面層磨上岩鹽及灑上紫蘇花 因養殖時餵養蜜柑所以鯛身入口散發蜜柑味輪到刺身三號 炙燒平貝夾馬糞海膽 好似三文治新鮮wasabii傳出清新香氣 拼魚籽置頂 平貝即係沙插 用醬油炙燒成 軟密而且有帶子味夾住濃香細滑嘅海膽食 一口吸入一次過食出三種口感高品質北海道蝦夷鮑配鮑魚肝醬成為第四道刺身鮑魚鮮嫩爽彈自帶微甜 要數最特別係師傅將鮑魚肝磨成醬 再加入
揀咗元朗三大人氣壽司店嘅其中一間
餐廳有兩款座位 Bar檯位就可以睇師傅刀功
而我地就選擇坐餐檯位 方便細細聲傾下計
店員非常細心會不時加茶
上菜時又會細心講解食材特色及食法
今晚嘅廚師發辦包括前菜 刺身五款
一款一品料理 壽司八款 湯 以及甜品
師傳先以靜岡縣溫室水果蕃茄打頭陣作為前菜
上層鋪咗水菜同埋洋蔥 而水果蕃茄標榜高甜度
食落軟腍多汁 食完口腔一直存甜香 開胃度滿分
第一款刺身係兵庫縣珍寶蠔配蟹籽酸汁啫喱
以芽蔥與菊花伴碟點綴 芽蔥帶來清新口感
生蠔厚肉肥美 質感creamy 餘韻帶淡淡海水味
酸汁啫喱豐富味道 同時提升蠔嘅鮮味
然後再食蜜柑鯛刺身 令我印象難忘
入口先有甜味後有柑香味 肉質鮮甜爽滑
配合師傳於面層磨上岩鹽及灑上紫蘇花
因養殖時餵養蜜柑所以鯛身入口散發蜜柑味
輪到刺身三號 炙燒平貝夾馬糞海膽 好似三文治
新鮮wasabii傳出清新香氣 拼魚籽置頂
平貝即係沙插 用醬油炙燒成 軟密而且有帶子味
夾住濃香細滑嘅海膽食 一口吸入一次過食出三種口感
高品質北海道蝦夷鮑配鮑魚肝醬成為第四道刺身
鮑魚鮮嫩爽彈自帶微甜 要數最特別係師傅將鮑魚肝磨成醬
再加入燒汁引出香甜 沾點時細滑並無苦澀味
貫切日本傳統用盡每一款可能食材製作美食
一品料理係白燒穴子 即用鹽將鰻魚燒至脆卜卜
鰻魚面層微焦 乾脆帶咸香 魚肉依然結實
係平日比較少見嘅食法
最後一道刺身係櫻花八爪魚師傳會先幫八爪魚不斷按摩
從而肉質變得軟腍 間中咬到紅豆粒有咬口 味道甜而不膩
一般普通八爪魚係灰色 今次嘅八爪魚因用紅豆煲成
所以命名為櫻花以及會係深紅色
重頭戲係我一直期待嘅師傅手握壽司
深海池魚 爽口帶油份 魚油香氣一直停於舌尖
沙追魚 師傳先搽上柚子皮 味道更清新 肉質爽彈
富山灣白蝦 灑上竹炭 滑溜黏口 呢個好特別
北寄貝 切出時師傅會先拍一下令佢神經收縮 口感更爽口
拖羅 光澤亮麗 油香極重 肉嫩無筋 入口即溶 我最愛
腦天 原來係吞拿魚嘅天靈蓋 以炙燒逼出香氣滿口滑嫩油香
自家醃製三文魚籽漬飯 相比其他餐廳嘅香甜
配上少量芥辣增加清新度 晶瑩通透加上爆珠口感
赤海膽 用岩鹽突出鮮味 海膽結實 口感香甜 豐盈茂密
大蜆麵豉湯暖胃之用 加入綠色蓮花莖 蜆大粒有肉無沙
之後師傳仲請我地食凍蒸蛋 由蝦膏及魚攪碎而成
甜中帶鮮香 結實中帶鬆軟
甜品由熊本縣赤肉哈蜜瓜 噴上竹鶴威士忌
爽甜多汁之餘 餘韻帶陣陣酒熏 配搭特別
多謝老公帶我食得咁高級 用美食締造我地嘅回憶
張貼
