逸 壽司 (已結業)

逸 壽司 (尖沙咀)尖沙咀亞士厘道24-38號天星大廈地下A2A及A2B號舖有幸可以睇到師傅劏魚，長知識，大拖羅嘅三四號位係最好食嘅，鍾意食大拖羅嘅人係一定唔可以錯過。今日可以食到即劏即食嘅拖羅，完全係一解思念日本嘅感情。日頭喺魚市場，冰鮮飛過嚟香港，冇入過急凍框，下午就已經去到店舖師父處理，所以味道特別濃香。前菜生菜超爽脆，芝麻醬甜度提升蔬菜鮮味。麵豉湯濃湯🍲夠甜，海帶好食😋芥末八爪魚新鮮厚肉，食落去口感極佳，芥末辣到剛剛攻鼻，夠刺激但又唔會流淚。牛蒡漬一啖咬落去索索聲，健康又好味，前菜必點之選。枝豆大大粒，超級鮮甜，食到停唔到口，一次過食幾粒先夠爽。吞拿魚壽司盛 六枚 198按照師傅嘅推介呢一個順序去食🥳🥳🥳赤身魚質腍滑🐟有淡淡的有魚香散熱，味道較清，適合一開始就食先食到佢嘅鮮味。中吞拿魚腩肉身超厚，油甘感強，齒頰留香，必食愛上。火炙吞拿魚面頰肉和火炙技術將魚油甘香鎖係肉身之間，配上香蔥喺面，整體濃味十足。腦天刀工一流，切面超靚，魚質入口滑流，半溶感。大吞拿魚腩真係極上滋味，入口即溶，牙齒同口腔之間游走，食過會上癮，真係要添食。齒頰留香，味覺係一種好深遠嘅記憶，你食咗就知道乜嘢叫做