稻香超級漁港 (已結業)

前幾日黎左打邊爐，好多朋友去過稻香打邊爐都話好，而我就只係第一次。其實我覺得打邊爐唔會特別好食亦唔會特別難食，正如我個朋友話齋，當D配料全部用D湯碌熟之後再點醬油，佢地既食味幾乎已經差唔多，只要D配料唔係唔新鮮，個湯底又唔係好難食既話，應該都唔會有咩問題。講返呢餐，我地都叫左唔少野，大部份都好新鮮。個肥牛真係唔錯，而芝士腸又真係有芝士味(出面有好多都冇既)，幾好。沙爹湯底味濃，芫茜湯底清新，arm arm中和到。不過可能碌碌下有D配料癡左底，搞到後來芫茜湯o個邊有陣"籮"味。D支裝汽水十蚊有三枝，好抵飲，可惜選擇超少，得可樂同忌廉，連芬達都冇。