豐鍋日式涮涮鍋 (已結業)

老朋友生日，雖然生於亂世又有瘟疫，但對香港食肆充滿信心的我們，都是決定要出去慶祝一下。老朋友在石門番工，呢排又收早，所以就入來找佢食餐好野。生日最好就係食放題，可以任食任飲的感覺真係好正的，所以就來了石門站附近，地下呢間好大又光猛既豐鍋。見到食物都排得井然有序，而且好企理。家下座位之間都隔左一張枱，加上呢到係一人一鍋，老實講我覺得仲安全過平時~!每個人都可以選自己的湯底，我就選左蕃茄湯底。唔錯，不過當晚食完就有少少口干。食物除肉之外都係自助形式，平常食既火鍋配料都有，特別既有青口、冰菜、羽衣甘籃等，呢D平時真係好少食，估唔到呢到會有~牛肉都好鮮紅，新鮮而且肉質都甜~!豚肉就比較爽口，全都好薄片，打邊爐一拖就食得~!!!!!正呀~甜品竟然有名牌雪糕，有兩款味可以選擇，今日另一款是朱古力，兩個都好正。我地今日食既餐係$228/位，主打食米國PRIME特選牛及黑豚肉的放題，如果想食其他再正D既肉，收費就會有唔同。好平D也有貴D，豐儉由人。而且下次再來，可以試下其他餐。