呢個Crossover好特別！將SIN國民早餐面煎糕配港式菠蘿包皮，有啲似茶記經典嘅口感，咬落去外層金黃香脆！入面嘅面煎糕鬆軟甜而不膩，配埋樽裝豆乳清甜有豆味，早晨食一串邊行邊食，一日都有好心情～
香芒小宇宙 $49
芒果控必食！滿滿芒果配小丸子、西米露，酸酸甜甜但份量一啲都唔少。小丸子本身Q彈有趣，質地軟糯得嚟又有嚼勁，無論係大人定小朋友都啱哂，超滿足！
1
紫米露西米露 $40
港式糖水升級版！紫米煮到超綿密，西米仲保持Q彈，食落有種傳統糖水風味，凍食配夏天絕配！
樽裝木瓜雪耳雪梨豆乳 $36
健康黨之選！結合木瓜、雪耳、雪梨同豆乳，口感清爽健康，豆乳味道濃郁帶雪耳雪梨淡淡甜味，切粒木瓜似果凍口感，味道balance！
熱情果豆乳雪葩 $32
首創沙冰級豆乳雪葩！冇冰粒綿密細膩入口即溶，清新脫俗酸甜度啱啱好，唔同坊間過酸死甜嘅熱情果飲品，幾特別！
