牛匠石燒 (已結業)

同平時食開既燒肉好唔同，呢到燒肉係用迷你石燒爐燒，感覺上好似冇咁大陣油煙味。野食方面我地叫左個牛匠極上盛盒、湯烏冬同味素飯配溫泉蛋。牛匠極上盛盒既擺盤十分吸睛，個盤係用左一頭牛既形狀，擺放唔同既牛肉、豬肉同雞肉，都算係幾豐富。整體黎講d燒肉都幾高質，尤其係和牛，油脂分佈均勻。個燒肉盛盒仲配有蔬菜俾我地包住燒肉食，食完唔會好重油膩感。值得一提既係呢到既staff會幫我地燒埋肉，唔洗驚自己燒會燒濃。最後我地仲叫左水果茶同芝士奶蓋四季春，飲落有淡淡既茶香味，非常清甜解膩，而且甜度適中，味道完全唔比出邊d茶飲店遜色。