牛匠石燒 (已結業)

呢排心血來潮好想食石燒，但係又唔知食邊間好。有日行經尖沙咀見到有就衝左入去食，鋪面唔算好大，但勝在坐得舒服。😚我地叫咗個牛匠極上盛合，，牛肉方面有一口牛、石燒好少見好少見嘅封門柳都有🤤、重點係A4和牛肩肉😍、油脂牛肉分布均勻嘅M9牛胸肉、冇咁油膩之選嘅牛小排、牛胸腹肉、薄切牛舌、牛肋骨肉。除咗牛之外仲有西班牙黑豚、鹿兒島無激素雞頸肉。入口油而不膩，非常好食！一開始佢會比一粒真。牛油(牛脂肪)你，令成塊石都充滿着牛油香，加上熊熊烈火，燒出來嘅肉非常惹味。😋套餐仲配會生菜包🥬及蒜頭🧄，更有醬油稻庭烏冬🍜及櫻花蝦味素飯🍚各一客。醬油烏冬非常彈牙，湯底清爽，非常適合希望解膩嘅女士們。櫻花蝦味素飯上面嘅櫻花蝦比量俾得非常足夠，每一啖都可以食到櫻花蝦、芝麻同紫菜等等嘅配料，大滿足！除此之外，我地仲叫咗個火灸明太子玉子燒，賣相已經非常吸引，明太子份量一啲都唔孤寒，食落滿滿嘅明太子，玉子燒非常嫩滑，兩個人食三件剛剛好。飲品方面，我哋叫咗一壺新鮮水果茶同奶蓋烏龍，水果茶滿滿一壺，加上新鮮嘅菠蘿冰，幸福感滿滿。☺️☺️☺️芝士奶蓋質感幼滑，配合無糖茶底，中和濃稠奶蓋，非常好飲。😋總括嚟講食物同服務質素都非常滿意