i kitchen (已結業)

鵝肝伴牛柳不過不失，有大把好食過佢既餐廳。個羊ok, 好過牛柳。不過waitress既服務態度令我不得不留差評。短頭髮戴眼鏡既waitress服務態度惡劣，問佢野飲可唔可以上左先，佢話“等我放低埋碟野先得唔得”，個語氣大家可以想像到啦，好似你阿媽對左你幾十年，煩你煩到不得了個個語氣。咁大佬當然得啦，都係見你咁岩過黎我地台上菜，順便問下姐，對唔住lo ；）跟住食飽牛柳，爸爸覺得完全唔飽肚，又咁好彩得個位waitress，唯有叫佢啦。我話加個蛋黃醬意粉呀唔該，佢即刻尾頭深鎖，“咩啊？”，個語氣又係熟悉既語氣，好似你問啊媽借1000萬，啊媽想x你個個語氣。哇大佬，又對唔住lo，即刻拎翻個mic戰戰兢兢講多次。**For唔想睇咁大段野，又苦苦搵緊餐廳既人睇既總結：用餐經歷不愉快，還望餐廳改進。想有一個愉快既約會唔好食呢間，想難忘就可以。p.s.10%服務費係比有禮貌既金髮馬尾姐姐。