十二味 (筲箕灣東大街) (已結業)

公司附近東大街開了一間外型古色古香的川菜餐廳,🤩天氣有點冷,吃點辣暖暖身。-餐廳內有大紅燈籠高高掛、百子櫃、中式屏風、老瓦片鏤空,瞬間帶我們來到古代.....-HK$248人見人愛酸菜魚~超大碗的酸菜魚,看起來氣勢十足。一般餐廳提供嘅酸菜魚只會採用比較平價的龍脷柳或急凍魚柳,但這裡採用加州鱸魚,較有魚味❤️近期都興起食酸菜魚嘅熱潮我都食過唔少,出面有啲餐廳用龍躉片都只會係一啲人工養殖嘅龍躉,會帶有一啲泥味,但係今次食嘅加州鱸魚一啲泥味都冇👍👍👍除了魚肉好吃又嫩滑外,酸菜用了三種不同品種混搭而成,味道酸甜而帶有爽口的感覺。呷一口酸辣湯,便感受到先香、鮮、麻、辣的感覺,真令我欲罷不能,一口接一口。-H$78黯然銷魂飯~炒飯好考師父功夫,除了飯要炒至不油膩外,白飯也要事前準備好。粒粒分明又十分乾爽,配上鮮蝦粒、洋蔥、豬肉碎,帶點辣真是十分惹味🤤-餐廳內有許多四川人吃晚飯便知道這裡的飯菜好地道喔！