約咗個好耐好耐好耐無見嘅好兄弟喺觀塘食飯。
好開心🥳！終於到他成家立室喇！又收炸彈🙈
推介不如去駱駝漆大廈搵嘢食，揀咗兩間之前youtuber都有介紹既～最後他說鍾意食烏冬，所以揀咗 鏗烏冬。打電話去話無得book，只可以walk-in 。本以為會好多人等位，去到竟然就可以直接入去攞位，可能是平日吧！
講返個主角，當然是烏冬😂
選了 鰹魚湯百味噌鍋燒烏冬
太多選擇，揀這個純粹是這個有招牌鰹魚湯，又有肉，又有溫泉蛋，比較豐富！
太耐無見，兩個掛住講，沒有太專注在食物上。喝了一口湯，沒有食拉麵那種，個湯有濃濃口感，也沒有同樣以鰹魚熬湯的壽喜燒汁味道。個湯頭比較一般，令烏冬掛唔到幾多湯味。
以這個價位的烏冬，只是一般般。不過客觀一點，再有機會都會再來試一試它的其他烏冬。
