影片
更多
2021-10-12
39 瀏覽
前排去咗尖沙咀碼頭打卡，所以又係去咗海港城度搵食！之前食過海港城最盡頭嘅點一龍嘅時候，見到隔離有間西餐廳，所以今次就去幫襯下。餐廳分開咗兩部分，喺餐廳入面同埋餐廳出面都有位置，不過我見店員通常都係安排喺餐廳外嘅地方，店員都好盡責做曬防措施，之後就會問想坐啲乜嘢位置， 有普通卡位同埋有特色嘅位置，坐低之後就可以開始揀嘢食，之後再去返餐廳度先落單，跟住號碼牌就會有人送食物上嚟。叫咗個自家製香草牛肉漢堡，一杯Cascara la Sosa，一杯Latte，同埋一個法式多士配楓糖漿。大概落咗間十分鐘之後已經開始有嘢食到，首先打頭炮嘅係法式多士佢煎得好脆，而且好厚身，麵包入面仲有士多啤梨醬，除咗多士之外，佢仲有雪糕，凍冰冰加熱辣辣嘅法式多士真係冰火交融！佢仲有一啲士多啤梨同埋藍莓，所以令到成件事可以平衡返，多士可以揀楓糖漿或者係焦糖醬，不過我建議楓糖漿已經好足夠，因為本身多士都有啲甜！食到一半飲品都嚟啦，朋友覺得咖啡中規中矩，而我杯飲品就係咖啡茶，酸酸味味好好飲，可以平衡番啱啱嘅多士，而且飲完唔會因為咖啡因太勁，搞到嗰一晚瞓唔到！不過我哋都覺得略嫌份量有啲細，如果可以大杯啲就更加好啦！一半嘅時候
叫咗個自家製香草牛肉漢堡，一杯Cascara la Sosa，一杯Latte，同埋一個法式多士配楓糖漿。大概落咗間十分鐘之後已經開始有嘢食到，首先打頭炮嘅係法式多士佢煎得好脆，而且好厚身，麵包入面仲有士多啤梨醬，除咗多士之外，佢仲有雪糕，凍冰冰加熱辣辣嘅法式多士真係冰火交融！佢仲有一啲士多啤梨同埋藍莓，所以令到成件事可以平衡返，多士可以揀楓糖漿或者係焦糖醬，不過我建議楓糖漿已經好足夠，因為本身多士都有啲甜！
食到一半飲品都嚟啦，朋友覺得咖啡中規中矩，而我杯飲品就係咖啡茶，酸酸味味好好飲，可以平衡番啱啱嘅多士，而且飲完唔會因為咖啡因太勁，搞到嗰一晚瞓唔到！不過我哋都覺得略嫌份量有啲細，如果可以大杯啲就更加好啦！一半嘅時候漢堡包都到，份量都係中規中矩，但係見到佢嘅牛肉十分之厚，唔會太多醬之餘，亦都有生菜同埋蕃茄，所以令到成個牛肉漢堡都可以好清新，覺得最有驚喜係佢嘅牛肉，相信係有特別調製過，佢嘅表面係有一啲好香嘅香料味，令我覺得佢同平時快餐店食到嘅牛肉漢堡真係好唔一樣。
由於我哋兩個都覺得杯嘢飲真係唔係好夠大，所以就嗌咗一杯雲南滇茶，佢上枱係一個玻璃樽嘅茶同埋一個載著冰球波波嘅杯，真係好得意！茶香都好濃，唔會好澀口，飲淨一半，但係店員話成個樽都可以拎走，之後仲可以回收。
最後講講環境，雖然喺餐廳外面嘅公眾地方，但係由於嗰一層冇其他商戶，所以都可以好安靜咁樣食到飯，仲可以睇下出面排隊入停車場嘅車龍添！下次再嚟呢間店encore佢嘅多士！
張貼
