風月堂 洋菓子BAR (已結業)

同朋友去鑽石山荷里活廣場睇戲，睇戲前嘅指定動作通常都係買爆谷汽水，但俾我地見到喺戲院旁邊有間小餐廳，有意粉，窩夫同法式班㦸食。我地覺得有啲小肚餓，所以決定嗌2個set試下🤣呢度用嘅窩夫機係黎自美國，而且師傅曾經到日本學師，好似都幾有品質保證😏我地嗌左個煙三文魚意粉餐意粉硬度適中，掛到幾creamy嘅忌廉汁，有唔少嘅雜菌同青椒配菜，當然唔得份量有番咁上下嘅煙三文魚啦，唔錯！仲有士多啤梨雪糕伴窩夫餐。雪糕可以揀味道；窩夫好脆內軟，有蛋香，配埋雪糕同忌廉食，有哂冰火交融嘅感覺，好爽😆我地餐飲都揀左藍莓茶，酸酸地，開胃解滯！