66
8
3
港鐵鑽石山站 C2 出口 繼續閱讀
電話號碼
25911559
營業時間
今日營業
10:30 - 22:30
星期一至五
10:30 - 22:30
星期六
10:30 - 23:00
星期日
10:30 - 22:30
公眾假期
10:30 - 22:30
公眾假期前夕
10:30 - 22:30
付款方式
AlipayHK 支付寶 現金 八達通
其他資料
酒精飲品
外賣服務
加一服務費
當面支付
食評 (79)
等級4 2019-08-18
73 瀏覽
現在電影院除了設有小食部外,還有熟食甜品販賣,滿足看電影的觀眾需要,非常適合匆匆忙忙的我們光顧。風月堂和菓子Bar既有零食小吃賣,亦有意粉,班戟和窩夫選購。黑松露忌廉雜菌湯真是妙不可言,我超推薦大家一嚐。黑松露忌廉雜菌湯即日新鮮熬煮,黑松露的清幽從湯裡釋放出來,每一口都喝到雜菌的顆粒,層次感豐富,大飽口福。煙三文魚意粉忌廉醬汁香濃不油膩,煙三文魚的滑溜鹹鮮十分討喜,意粉彈牙極致,並加入蘑菇和黃椒,意粉色彩繽紛,且增添了一番清新感。巴馬腿法蘭克福腸帕馬森芝士長通粉可謂經典口味意粉之一,帕馬森芝士醬汁拿捏剛好,濃郁芝味令人食指大動,巴馬火腿鹹香可口,法蘭克福腸彈勁十足,長通粉吸飽醬香,教人回味無窮。全晚重點非香蕉朱古力雪糕窩夫莫屬,先說朱古力雪糕,它採用了名牌雪糕之一Movenpick,而且是一大球,光是這點已超值。酥脆紮實的窩夫配上百搭的香蕉,佐以忌廉,塗上些許朱古力雪糕,窩夫風味甚佳,即使吃畢窩夫,窩夫在口腔的香氣仍在,餘韻無窮。朋友覺得窩夫跟平常所吃的很不同,於是詢問店員,店員說窩夫機都是餐廳特意從美國選購,此機溫度上與脆度調控跟坊間的不一樣,難怪窩夫口感,味道如此特別。 繼續閱讀
(以上食評乃用戶個人意見 , 並不代表OpenRice之觀點。)
等級4 2019-08-12
160 瀏覽
自從調左去新蒲崗返工之後,下班後間唔中都會過嚟荷里活廣場行下。今日收工約左老公去 3 樓嘅「百老匯」睇戲,原來售票處對面有間「風月堂 洋菓子 BAR」,見反正仲未開場,提議坐低吃頓 early dinner 。餐廳以供應甜點及輕食為主,環境唔錯,既清靜又夠開揚。店舖採自助形式,客人要先去櫃檯落單,然後等店員叫號碼,再自行拿取食物。先坐低研究一下餐牌,食物分為四大類,包括有法式班戟、法式窩夫與雪糕新地、輕食意大利粉套餐、烘包與小食,另外亦有一系列飲品等供應。聽員講,店裡的窩夫頗受食客歡迎,皆因窩夫機來自美國,而且師傅曾到日本學習,所以對窩夫嘅製作,特別有心得。見店員講到啲窩夫咁吸引,本來都好想試下,不過實在太耐無食過班戟,所以最後我都係揀左份鹹食班戟,而老公就揀左客煙三文魚意粉,再配飲品。吞拿魚粟米沙律班戟 ($54)、凍檸檬茶 (+$13),班戟摺成三角形,用硬身紙袋裝住,拿上手時仍熱辣辣,而且材料下得非常慷慨,入面夾滿吞拿魚碎、粟米粒、生菜同沙律醬,外皮咬下充滿蛋香,加埋豐富的餡料,食落口感好 rich。至於老公點的煙三文魚意粉 ($60)、橙汁 (+$13),味道亦唔錯,意粉份量十足,面頭的煙三文魚卷成燦爛的玫瑰花狀,賣相很吸引。意粉煮得恰到好處,條條分明,煙韌又有嚼勁,醬汁份量剛好;煙三文魚肉質柔軟,入口不會過鹹,拌意大利粉吃,味道層次豐富。離開時發現原來餐廳仲有雪糕三文治供應,買完可以直接拎入戲院食,不過今天已吃飽,還是留待下次吧! 繼續閱讀
(以上食評乃用戶個人意見 , 並不代表OpenRice之觀點。)
等級4 2019-08-08
193 瀏覽
買左戲飛,但仲未夠鐘,你會做咩?買定爆谷汽水,食住先飲住先?🥤咩都吾買,等夠鐘入場?⛔️相信大部分人都會選擇以上兩種方法而鑽石山BROADWAY就話我知,其實有第三種就係係開場前,食返個輕食或者窩夫班戟,食飽飽再睇戲,未嘗吾係一個CHOICE呢?.鑽石山BROADWAY內有間「風月堂洋果子BAR」,主打各款窩夫班戟同PASTA輕食套餐,定價合理,由$38至$60之間,而且仲不設加一服務費,有埋座位,食完即可入場,方便又快捷.由於吾係好肚餓嘅關係,我同肥🐽一人叫左一款窩夫同班戟,就冇嗌到PASTA🙇‍♀️.同師傅傾左一陣計先了解到,原來「風月堂」用嘅窩夫機係黎自美國,加深左嘅烤盤,令製作出黎嘅窩夫份量感十足,而且口感偏香脆,吾會軟綿綿,加上師傅曾到日本學習過,無論係製作手法定窩夫味道都同係日本食到嘅好相似窩夫分為四塊,中間係雪糕(原本係芒果味,師傅幫我換成朱古力味),上層同底部都有輕盈嘅CREAM,仲有新鮮水果,草莓醬同糖霜,令口感豐富,增加賣相吸引度.班戟有三類,分為水果,雪糕同鹹班戟。肥🐽就揀左芒果雪糕班戟超薄嘅班戟皮包住芒果雪糕,CREAM 同鮮草莓,食落外香內軟,又好有蛋香.最後以優惠價加配埋飲品,食飽,飲飽,岩岩好夠鐘睇戲LU 繼續閱讀
(以上食評乃用戶個人意見 , 並不代表OpenRice之觀點。)
等級4 2019-07-30
163 瀏覽
前排同朋友去睇戲 因為驚冇位 所以早啲去買定飛🎬 諗緊去邊度消磨時間嘅時候 見角落位有間餐廳 諗住試下 順便坐住等啦 點知俾我掘到彩蛋喎~🤩又嚟overview 叫咗一個pasta 一個waffle 連湯同飲品只係$135 可能平過叫兩個爆谷餐加小食...
初初見到個溫泉蛋果時 心諗:大鑊! 有伏...🤦‍♀不過一叉落去蛋黃哥度 蛋漿即刻流哂出嚟 同我預期嘅唔同!😳 
食落反而幾鍾意佢啲蛋白 有少少口感 唔似平時果啲 一撈勻就消失風雨中~🍃不過我最愛其實係杯磨菇湯🤤 非常香濃 絕對唔係罐罐嘅質感 而且用杯裝住 方便易飲如果冬天飲 或者拎入冷氣強勁嘅戲院飲 真係一大享受👍🏻👍🏻食完主菜 再後上個甜品🍨 服務員仲好窩心 親自拎俾我地聽佢介紹先知 師傅係日本學師 仲專登去美國訂部窩夫機 感覺個窩夫即刻好高級 哈哈~👸🏻🤴🏻講返先 雪糕配窩夫 其實都冇得輸㗎啦💁‍♀個窩夫比較脆身 我自己就好鍾意 不過朋友就表示鍾意外脆內軟 各有各睇法啦~ 身為專業吃貨 初初以為我地會食唔飽 
點知食完感覺好飽肚 幾驚睇戲果時會訓著🤣平時睇戲 買個爆谷同汽水都幾十蚊 加多少少錢 就食到咁豐富嘅一餐 其實都真係幾抵🤔下次再去睇戲果時 我諗我地都會去填飽個肚先或者買入戲院食又得 得咗~🧙‍♀ 繼續閱讀
(以上食評乃用戶個人意見 , 並不代表OpenRice之觀點。)
等級4 2019-07-26
101 瀏覽
一向覺得戲院只得小賣部,賣些爆谷、汽水等小食飲品,讓看電影的客人可以在入場後邊吃邊喝邊看電影作為解饞之用而已。但原來我這個先入為主的觀念是錯的,在戲院範圍內,還可以來一頓輕食午餐,吃意粉、吃窩夫、吃班戟.....我說的是位於鑽石山荷李活廣場百老匯戲院範圍內的「風月堂洋果子Bar」。一看它的名字,便不難讓人聯想到它是香港第一代日式西餐廳「風月堂」旗下的西餐廳。想當年,自己也曾久不久便光顧「風月堂」,吃它的日式西餐。時移勢易,「風月堂」早已成為過去的記憶,想不到這一次在荷李活廣場內,竟可以與「風月堂」這個名字再次相遇,實在難得。意粉餐共有10款選擇,每款價錢都是六十元,加三十元可有自家製鮮湯、指定飲品或意式即磨咖啡,加二十五元更可有UCC帖吸式咖啡、日本花茶或香濃熱朱古力,而我就選擇了「白汁磨菇鴨胸意粉」+「自家製鮮湯」。這天的湯是「黑松露忌廉雜菌湯」,質素比預期中好,熱燙、香濃,雜菌粒多,也好味道,值得一讚。「白汁磨菇鴨胸意粉」份量多,意粉彈牙,白汁下得恰到好處,不會過於黏稠,但又可讓每條意粉都沾上,是既簡單,又飽肚之選。還吃了甜品,是「鮮果雪糕伴窩夫」($49)。這以杯子盛載的窩夫甜品,用的是芒果雪糕,與各款水果伴以早已分為四塊的窩夫一起吃,多重的口感,鹹甜酸兼備的味道,作為餐後甜品,都不錯。這次在戲院外與「風月堂洋果子Bar」的約會,可真是讓我意想不到。 繼續閱讀
(以上食評乃用戶個人意見 , 並不代表OpenRice之觀點。)