彤私房菜高級粵菜 (已結業)

呢間私房菜都幾有內涵，不枉我大西北專程出黎尖沙咀🥳🌸花之刀削麵可能係為咗襯翻個朵🧐個擺盤擺到勁似花之戀壽司🤣面頭加咗一大攝魚子 刀削麵滑嘟嘟，成條麵厚薄勁一致，師傅好手勢👏🏻麵條彈牙有嚼口 又掛到味👍🏻🥢桂花炒米粉炒米粉入面除咗有啲燈籠椒🫑洋蔥🧅芽菜🌱之外仲加咗叉燒🐷同蝦仁🍤 撒埋海量既芝麻係面 簡單得黎又香口到食唔停口😝🐂醬燒牛肋骨牛肋骨成條上枱視覺效果都幾衝擊🤯我懷疑條骨仲闊過我手臂🫣肉已經率先由師傅幫我地切好曬一口大細😌超級貼心喎 喎曬我呢啲唔識揸刀既懶人🫣醬汁另外用個碟仔裝起 咁樣可以試咗個原味先😚芥末籽令到味道勁加有層次 口感都多個層次🤘🏻