心鉄板燒 (已結業)

今日去左尖沙咀亞士厘道心鐵板燒🔥食lunch，餐廳居高大廈十八樓，景色好開揚好舒服。一路睇住廚師烹調食物，一路品嚐美食，感覺好chill。我叫左午市套餐，係大蝦🦐、石班柳🐟、特級牛柳🐂。套餐有沙律菜🥗、前菜、 麵豉湯、炒飯🍚、漬物、炒雜菜，好豐富呀。大虎蝦新鮮彈牙，用意大利黃瓜襯托，仲有蝦膏醬，味道提昇。到我至愛既魚啦～石班柳～，食先食脆卜卜既魚皮，石班煎到剛好，魚肉肉質嫩滑。 點綴既意大利蕃茄🍅干都好食。🤣牛柳要5成熟，點一點海鹽，加埋Wasabi, yummy。起初唔敢點Wasabi ，師傅見到我咁，就同我地講唔辣架，仲甜架，真係第一次食甜既Wasabi. 香噴噴既蛋🥚炒飯，飯入面有櫻花蝦🦐，加埋漬物食，口感幾好。炒雜菜，徤康。麵豉湯，有蜆肉架。🍧甜品我揀左柚子雪葩，好清新，我鐘意。而家餐廳出左新餐牌，follow 餐廳FB/IG ，CAP底圖仲有9折添。