影片
更多
2017-08-27
80 瀏覽
同朋友想揾間餐廳慶生, 但大家都唔想食西餐呢啲比較普通既野, 最近見有唔少朋友都Post個鍋仔河粉, 好似幾新奇, 睇返係女人街都幾方便, 所以就去左呢間到試, 估唔到平野之餘但食物同環境都唔錯喎。 星期日下午時間黎, 都差唔多坐左七成人左右, 越坐越多人黎。由於我朋友遲到, 我就係到hea下睇下環境, 除左樓底幾高, 空間感幾大之外, 佢地既牆身每一角都係散發住舊香港既風味, 例如牆身既雞蛋仔、街坊等字眼, 頗有心思呢, 但座位則以藍色同深黑色既時尚設計, 感覺幾新淨。 餐牌既選擇比想像中多, 而且好多都大玩fusion!!!!一心想來試既炒河粉都有好多款, 除此之外仲有鍋仔蝦仔麵, 睇黎係新出之物! 不過都係河粉吸引我啲~ 另外例如有burger呢d, 但竟然個包係換左豬仔包!!!好搞笑呀!!另外小食同沙律選擇都唔少, 如果想食返西餐又有得叫返意粉或者据扒, 實在眼花撩亂呀~~ 煙三文魚烤雞沙律 $98淨係沙律已經有四款選擇!! 除左最典型既煙三文魚烤雞, 仲有生果乳酪或者蕃茄燒牛肉等特別啲既選擇, 但我地就揀左最原始既款式。有得揀細同大, 大食既我地就揀左大, 果然係超大盤呢!!
星期日下午時間黎, 都差唔多坐左七成人左右, 越坐越多人黎。
由於我朋友遲到, 我就係到hea下睇下環境, 除左樓底幾高, 空間感幾大之外, 佢地既牆身每一角都係散發住舊香港既風味, 例如牆身既雞蛋仔、街坊等字眼, 頗有心思呢, 但座位則以藍色同深黑色既時尚設計, 感覺幾新淨。
餐牌既選擇比想像中多, 而且好多都大玩fusion!!!!
一心想來試既炒河粉都有好多款, 除此之外仲有鍋仔蝦仔麵, 睇黎係新出之物! 不過都係河粉吸引我啲~ 另外例如有burger呢d, 但竟然個包係換左豬仔包!!!好搞笑呀!!另外小食同沙律選擇都唔少, 如果想食返西餐又有得叫返意粉或者据扒, 實在眼花撩亂呀~~
煙三文魚烤雞沙律 $98
淨係沙律已經有四款選擇!! 除左最典型既煙三文魚烤雞, 仲有生果乳酪或者蕃茄燒牛肉等特別啲既選擇, 但我地就揀左最原始既款式。
有得揀細同大, 大食既我地就揀左大, 果然係超大盤呢!!
底部全部係生菜, 新鮮之餘全部都平均撈云哂沙律醬, 一啲都唔dry~ 面既三朵煙三文魚都幾厚身, 雞肉唔肥膩, 切得薄身,有啲仲連埋皮, 大約都有五六片, 份量豐富。
黑松露野菌雞肉河粉 $59
其實本身一心黎諗佢個皇牌卡邦尼炒河架!!不過見單點八十幾蚊, 但呢個lunch set有得叫炒河, 五十九蚊平啲, 所以就揀左呢個試。
雖然係lunch set但都係好大鍋, 份量足以令女生飽!! 河粉口感Q彈, 而且較薄身, 同平時食中式既炒河口感唔同, 少左份厚實感, 較為輕盈, 尚算掛到汁, 本身以為河粉同忌廉兩者會好漏, 但因為忌廉醬汁稀身同埋河粉薄身, 所以整體唔算漏, 果然呢個新奇配搭係work架喎!!
只係唔知係咪因為lunch set, 野菌同雞肉份量相對少, 尤其是雞肉片, 感覺似大部份時間都食緊河粉咁, 比較單調左, 可能叫其他款會多啲餸。
跟餐既湯唔係白湯唔係紅湯, 而係碗仔翅, 果然係夠街坊!!
食落其實同出面街邊食差唔多, 無論濃稠度定配料都係, 不過慣左出面食一大堆肉絲, 呢到就相對地少得多, 記得枱上面有得自己加醋同埋胡椒粉喎!!重點黎架!!!
甜品又係呢到另一樣最吸引既地方!!
早就聽過佢既雪糕雞蛋仔, 今次終於有得試啦~~ 其實仲有荷蘭pancake、西多士等等都睇落好吸引, 但唯有忍住試左雞蛋仔先!
Tiramisu 吉士雪糕雞蛋仔 $68
賣相好掂, 尤其是上面灑滿既可可粉十分誘惑, 雞蛋仔份量以粒數計應該係出面既2/3左右, 不過唔似平時果啲咁厚粉, 每粒都係輕盈版, 蛋味就同出面比淡, 但配料則大大幫助左提升味道, 吉士本身唔濃味, 但點埋雞蛋仔同埋雪糕又係停唔到口, 旁邊仲有棉花糖幾粒, 熱溶左拎黎點雞蛋仔都幾得意, 不過因為涷左唔係太點到~~六十幾蚊黎講都抵食! 下次要再黎試其他款~~~
張貼
