金華冰廳

營業中

休息中

其實都係幾個星期之前食既..但一路都未有時間打返..同我女朋友去食早餐..我地都好鍾意食菠蘿包..但本人印象中係未食過菠蘿油既..所以想試下..經一輪research之後..發現呢間應該係全港最出名架喇..菠蘿油果然冇令我失望..岩岩出爐..咬落去好鬆化..但又唔會散哂咁..食落唔會好滯蛋撻就唔太特別..反而覺得d皮又d林過頭..奶茶都ok..不過就同普通茶餐廳冇咩分別但坐得唔太舒服...d位好迫..同埋就要同另一對夫婦share個卡位..不過冇辦法..佢咁出名..如果想傾計/坐耐d就過主喇..總括黎講..不妨一試..因為唔貴..但係咪真係咁正就見仁見智啦