影片
更多
2011-02-18
22 瀏覽
是日元宵 事關女朋友情人節晚要返工之後果幾日病左 所以補祝情人節會揀平成廿二(佢d員工係咁叫自己舖頭名) 係因為女朋友之前o係雜誌睇到介紹 貪新鮮所以想試先講booking本身book左15號 後尾因女友病左先改17booking比起碗屋、大喜屋果d容易好多 早幾日先book都book到 改日子又容易 原因係咩自己諗下有樣野唔知叫好唔好 有booking果日佢會打泥同你confirm 打一次冇人听會留言 唔覆佢會再打再留言 好有毅力17號book左頭輪6:30pm 我地行完街6pm早到左本身諗住去到要等 點知一去到門口望左兩望就有人招呼我地入去 呢下算有d驚喜 入到去坐吧檯 坐得唔舒服 因為行完街拎住袋野本身又有袋又有褸 好迫 要求調張兩人檯點知佢話冇得調 d兩人檯畀其他客指定要坐book哂 算 我地叫野食順帶一提吧檯附近地下好油膩 坐住張凳都覺得好跣 大家要小心d開始叫野食 請看下圖總共有八張點菜紙 其中一張係snake = 蛇 .... omg 平成廿二日本料理有蛇食 仲有另一個搞笑位不過我冇影到 納豆明明係なっとう 佢唔單只冇左個促音 仲將個な變左個奇怪符號 就o係我地叫完第一輪
會揀平成廿二(佢d員工係咁叫自己舖頭名) 係因為女朋友之前o係雜誌睇到介紹 貪新鮮所以想試
先講booking
本身book左15號 後尾因女友病左先改17
booking比起碗屋、大喜屋果d容易好多 早幾日先book都book到 改日子又容易 原因係咩自己諗下
有樣野唔知叫好唔好 有booking果日佢會打泥同你confirm 打一次冇人听會留言 唔覆佢會再打再留言 好有毅力
17號book左頭輪6:30pm 我地行完街6pm早到左
本身諗住去到要等 點知一去到門口望左兩望就有人招呼我地入去 呢下算有d驚喜
入到去坐吧檯 坐得唔舒服 因為行完街拎住袋野本身又有袋又有褸 好迫 要求調張兩人檯
點知佢話冇得調 d兩人檯畀其他客指定要坐book哂
算 我地叫野食
順帶一提吧檯附近地下好油膩 坐住張凳都覺得好跣 大家要小心d
開始叫野食 請看下圖
總共有八張點菜紙 其中一張係snake = 蛇 .... omg 平成廿二日本料理有蛇食 仲有另一個搞笑位不過我冇影到 納豆明明係なっとう 佢唔單只冇左個促音 仲將個な變左個奇怪符號
就o係我地叫完第一輪野食 等緊o既時候先發覺 我o地果兩隻杯仍然係吉的
我地坐左兩個幾三個字都冇人斟茶水 excellent
前菜
螺肉 - 正常芝麻八爪魚 - 正常
蜆肉 (左下角) - d醬唔係螺肉d醬 咸咸地未食過 幾特別
韓式八爪魚 (上) - 少少辣 都ok
瑩光魷魚 (中) - er...好奇怪 滑潺潺咁
羊鞍 - 完全唔掂 好靭 比碗屋的差太遠串燒雞翼 - 初頭見佢成隻雞翼攤開左咁以為佢起左骨 點知原來係幻覺 但食落都唔錯
牛腸 - 其他食評話呢個牛腸正 但我食落又唔覺有咩特別 味道似牛腩 質感似豬腸 反而d蘿蔔好得 唔苦冇筋夠淋 正
牛奶魚湯烏冬 - 湯底有d似魚米家d湯 烏冬算ok 冇讚岐手打果隻彈牙 但起碼唔酸 至于奶味就完全食唔出刺身 - 北寄貝ok爽口彈牙但唔係爽到假果d 幾好; 劍魚腩淋的腥的 又係同碗屋冇得比; 三文魚全部係d邊位連皮連筋咁上 冇得頂; 甜蝦幾等別喎連殼上 听我女朋友講算幾OK架喇o係呢度泥講 但都係冇再叫因為實在太麻煩; 貝柱正常; 螺又係連殼上的 tmd 畀對筷子我連叉都冇 隻螺底個窿仲細過隻筷子頭 點食 擺返低就算; 冇鮑片冇海膽食;
壽司
三文魚 - 比刺身好 冇皮冇筋 但都係冇魚味的火炙三文魚 - 三文魚唔好食火炙又會好得去邊 但因為我地坐吧檯 睇住佢連埋pat醬一齊燒 燒到pat醬滾左起哂泡 幾過癮
松葉蟹腳 - 我平時食餐日本野一定會食蟹柳蟹棒果d 所以試左呢個 都算幾好食架喇
霜降牛 - 普通野 生牛肉味囉 係好牛味o既
花之戀 - 又係三文魚囉 普通 但中間pat醬夠哂大pat
玉子 - 冇叫過 因為我地坐吧檯 成大塊玉子就放o係我面前 佢灰灰地咁好有美感 我唔捨得食
芝麻醬滑豆腐 - 豆腐真係好滑 鍾意食滑豆腐o既人一定鍾意蕃茄 - er...真係蕃茄泥架 每餐一定要食菜o既朋友就食啦
自家制餃子 - 一望落去就知佢一定有煎過 但唔知有冇十秒呢 好似冇煎過咁 犀利 其實呢個餃子幾好食 如果佢唔係煎左等如冇煎 又唔係塊皮爛哂 我一定會再叫肉瓜餅 - 呢個堅好食 証明睇openrice食評係有用的 個個都話呢個好食架 連我呢個唔鍾意食南瓜o既人都覺得好好食 事關佢丁點兒南瓜味都冇
串燒牛舌 - 我見親鹽燒牛舌就會食 講真呢個好食 少爽唔靭夠鹽 同其他地方d好味鹽燒牛舌差唔多
其他
燒饅魚 - 佢一拎埋泥 我就諗 做乜望落去咁淋o既 跟住我女朋友一夾 爛左
大葱炒雞腎 - 腎有腎味 係冇其他味姐
蒜炒牛肋肉 - 我諗住牛肋肉係牛肋條果類野啦 點知係d碎哂o既牛肉 食落味道唔錯 但全部碎濕濕細細條細細粒咁 賣相唔好
牛油焗雜菌 - 菌有菌味 係冇其他味 連牛油味都冇
什么黃金三文魚炒飯 - 呢個幾好食架 如果你試完佢每款食物都搵唔到有咩想再食 可以叫四碗呢個炒飯填飽肚
飲品
汽水任飲 - 有玉泉檸檬+c 正 仲有玉泉忌廉同西柚 可樂七喜果d
啤酒任飲 - 冇嗌過 因為果個唔知咩牌子好出名
仲有$28同$18一小瓶o既sake
雪糕
芝麻 豆腐 紅荳 綠茶 朱古力 cookies n cream
佢每一球都好細球 直徑大約1.5個一蚊銀左右 所以不妨叫多幾球
衛生
由于我地坐吧檯 睇住d師傅整野食 令我地下定決心唔會再泥
佢地套制服係e+ cctvb魚躍在花見謝天華果d壽司師傅既正常制服 有帽o既 仲每人都自備一條領呔添 (我知係自備因為每人都唔同)
但係 係冇口罩 冇手套o既!!!
最左邊o既師傅好似係負責前菜o既 佢一路做野就一路捽口捽鼻捽面
左邊數過去第二個師傅就係整壽司o既 我d火炙三文魚就係佢整 佢就一路做一路咳 久唔久就咳兩聲 仲要係冇掩口冇轉頭 佩服
總結
食物泥講 好食o既好少 冇乜野係會一叫再叫的 所以食完呢個放題 我都唔算飽 (我已經食哂成碗三文魚炒飯)
衛生又冇話食到烏蠅曱甴果d 如果我地唔坐吧檯會覺得佢衛生好好架
服務算ok啦 係冇人幫你斟茶水姐
比起平時食開o既碗屋 大喜屋 松屋
價錢: 碗屋 > 平成廿二 > 大喜屋 > 松屋
味道: 碗屋 > 大喜屋 > 松屋 > 平成廿二
簡直係離譜
張貼
