花火洋食 (已結業)

原來係屯門都有個哥爾夫球中心，雖然自己唔識打，但經過睇人打下波，都幾得意，最估唔到，原來裡面有間性價比高餐廳。因為地方大，都坐得幾舒服，仲有漫畫可以睇。睇下有咩好食先。叫主食，免費有湯加飲品，今日係粟米忌廉湯，叫左熱奶茶。泰式青咖喱鮮蝦扁意粉，有4隻大大隻蝦，意粉沾滿醬汁，青咖哩醬汁唔會好辣，比較西式一啲。日本西京味噌醬焗豬鞍架，豬鞍好腍容易切， 食落厚肉有口感，味噌醬偏咸一點，不過味道好夾，仲有個薯蓉底都好好味架！